Fana: At a Speed of Life!

ታዳጊዎች የነገዋ ኢትዮጵያ ተረካቢዎች በመሆናቸው ራሳቸውን ከወዲሁ እንዲያዘጋጁ ጠ/ ሚ ዶክተር አብይ ዐህመድ ጥሪ አቀረቡ

አዲስ አበባ፣ ህዳር 28፣ 2011 (ኤፍ.ቢ.ሲ) ታዳጊዎች የነገዋ ኢትዮጵያ ተረካቢዎች በመሆናቸው ራሳቸውን ከወዲሁ እንዲያዘጋጁ ጠ/ ሚ ዶክተር አብይ ዐህመድ ጥሪ አቀረቡ።

ጠቅላይ ሚኒስትር ዶክተር አብይ ዐህመድ በዛሬው ዕለት ከመላው ኢትዮጵያ ከተውጣጡ የ1ኛ ደረጃ ተማሪዎች ጋር ቆይታ አድርገዋል።

በዚህም ታዳጊዎች ኢትዮጵያዊነትን የሚያደምቁ የነገዋን ኢትዮጵያ የሚሰሩና የሚመሩ በመሆናቸው ልዩ ትኩረት እንደሚሰጣቸው ተናግረዋል።

የኢትዮጵያ ህዝብ ክብርና ማንነት ማሳየት በሚችል መልኩ ራሳቸውን እንዲገነቡ ለታዳጊዎች ያሳሰቡት ጠቅላይ ሚኒስትር ዶክተር አብይ ልጆች ከጥላቻ መራቅ እንዳለባቸው አስገንዝበዋል።

የታዳጊዎች የኩራት ምንጭም ትጋታቸውና የፍሬያችሁ ውጤት ሊሆን እንደሚገባም አስረድተዋል።

አሁን ላይ በሀገሪቱ እየታየ ያለውን ለውጥ ዳር በማድረሰም የተሻለች ኢትዮጵያን እናስረክባችሁላን ሲሉ ለታዳጊዎቹ ቃል ገብተዋል።

በሌላ በኩል በብሄራዊ ቤተ መንግስት ይከፈታል የተባለው የህዝብ መዝናኛ ፓርክ በመጭው መስከረም ወር እንደሚናቀቅም ተገልጿል።

ፓርኩ በወስጡ 250 የሚደርሱ እንስሳትን እንደሚይይዝም ተነግሯል።

በአላዛር ታደለ

You might also like
Comments
Loading...