Fana: At a Speed of Life!

ታይላንድ ማሪዋናን ለመድሃኒትነት አገልግሎት ለመጠቀም የሚያስችለውን ረቂቅ አፀደቀች

አዲስ አበባ፣ታህሳስ 18፣2011 (ኤፍ.ቢ.ሲ)ታይላንድ የሀገሪቱ ዜጎች ማሪዋናን ህጋዊ መሆነ ምልኩ ለህክምና አገልግሎት ለመጠቀም  የሚያስችለውን ረቂቅ አፀደቀች ።

የታይላንድ የህዝብ ተወካዮች ምክር ቤት በትናንትናው ዕለት ማሪዋናን ለህክምና አገልግሎት እንዲውል የሚያስችለውን ህግ አፅድቋል።

166 አባላት ያሉት የታይላንድ ፓርላማ ረቂቅ አዋጁን  በ13 ድምፅ ተአቅቦና ያለምንም ተቃውሞ በአብላጫ ድምፅ አፅድቋል።

በዚህ መሰረትም  በሀገሪቱ ከትናንትናው ዕለት ጀምሮ ማሪዋናን ለህክምና አገልግሎት እና ለጥናታዊ ፅሁፍ መጠቀም የሚቻል መሆኑ ተገልጿል።

ይህም ታይላንድ ከደቡብ ምስራቅ ኤስያ ሀገሮች ውስት ማሪዋናን በህጋዊ መልኩ ለመደሃኒትነት አገልግሎት ያዋለች የመጀመሪያዋ ሀገር ያደርጋታል ተብሏል።

ይሁን እንጅ   የሀገሪቱ ዜጎች ማሪዋናን ከህክምና አገልግሎት ባለፈ ለመዝናኛ አገልግሎት መጠቀም የማይቻል መሆኑ ነው የተገለፀው።

ታይላንድ በደቡብ ምስራቅ ኤስያ በሚገኙ  ሀገሮች ውስጥ በእስረኛ ብዛት ከፍተኛ ስትሆን በዓለም ደግሞ ስድስተኛ መሆኗን መረጃዎች ያመከላክታሉ።

አብዛኞቹ እስርኞችም ከህገ ወጥ አድንዛዥ ዕፅ ዝውውር ጋራ በተያያዘ ለእስር የተዳረጉ መሆኑ በዘገባው ተጠቁሟል።

ምንጭ ፦ሲጂቲኤን

You might also like
Comments
Loading...