Fana: At a Speed of Life!

ተምብለር የማህበራዊ ድረ ገጽ ትስስር ኩባንያ ወሲብ ነክ መረጃዎችን ከገጹ ሊያግድ ነው

አዲስ አበባ፣ ህዳር 25፣ 2011 (ኤፍ.ቢ.ሲ) ተምብለር የተባለው የማህበራዊ ድረ ገጽ ትስስር ኩባንያ ወሲብ ነክ መረጃዎችን ሙሉ በመሉ ከገጹ ሊያግድ መሆኑ ተገልጿል።

የማህበራዊ ሚዲያ ትስስር ገጽ ጉባንያው ተምብለር ከያዝነው የፈረንጆቹ ታህሳስ ወር 17 ቀን 2018 ዓ.ም ጀምሮ ወሲብ ነክ መረጃዎችን የማገድ እቅድ እንዳለው አስታውቋል።

ኩባንያው ይህን ያስታወቀው በድረ ገጹ የህፃናት ጥቃት መረጃዎች መታየታቸውን ተከተሎ ከአፕል ‘‘ፕሌይ ስቶር’’ እንዲወገድ ከተደረገ ከሳምንታት በኋላ ነው ተብሏል።

የኩባንያው ዋና ስራ አስኪያጅ ጀፍ ዲ ኦኖሪዮ ቱምብለር ኩባንያው መሰል ይዘቶችን ፈጽሞ የማይታገስ መሆኑን ገልጸዋል።

ኩባንያው የአገለግሎት ጥራቱን ለማሻሻል እንደሚሰራም ነው ዋና ስራ አስኪያጁ የሚናገሩት።

አዝናኝ፣ አስተማሪ፣ ዜና ወይም ፖለቲካዊ ይዘት ያላቻውን መረጃዎች እንደሚያስተናግድ ያመላከተው ኩባንያው የተጋለጡ የሰውነት ክፍል የሚያሳዩ ምስሎችን እንደሚያግድ ተነግሯል።
ምንጭ፦ ቢ ቢ ሲ

You might also like
Comments
Loading...