Fana: At a Speed of Life!

ተመድ በቀጣዩ የፈረንጆቹ አመት ለሰብዓዊ እርዳታ ከ21 ቢሊየን ዶላር በላይ ያስፈልገኛል አለ

አዲስ አበባ ፣ ህዳር 25 ፣ 2011 (ኤፍ ቢ ሲ) የመንግስታቱ ድርጅት በቀጣዩ አመት ዓለም ላይ ለሰብዓዊ እርዳታ 21 ነጥብ 9 ቢሊየን ዶላር እንደሚያስፈልገው ገለጸ።

ድርጅቱ በፈረንጆቹ 2019 ዓለም ላይ ግጭት በተፈጠረባቸው አካባቢዎች የሰብዓዊ ድጋፍ ለማድረግ ገንዘቡ እንደሚያስፈልገው ገልጿል።

እንድ ድርጅቱ ገለጻ ከሆነ ሰብዓዊ ድጋፉ በተለያዩ 21 አካባቢዎች የሚደረግ ነው።

ከዚህ ውስጥም 4 ቢሊየን ዶላሩ ሰላም በራቃት የመን ለሚደረግ ሰብዓዊ ድጋፍ የሚያስፈልግ መሆኑንም አስታውቋል፤ ይህም ከተረጂ አካባቢዎች ከፍተኛው ገንዘብ ነው ተብሏል።

ተመድ ያስፈልገኛል ያለው የገንዘብ መጠን ሶሪያን ያካተተ አይደለም።

ሰብዓዊ ድጋፉ ሶሪያን የሚያካትት ከሆነ ድርጅቱ የሚያስፈልገውን የገንዘብ መጠን ወደ 25 ቢሊየን ዶላር ያሳድገዋል ተብሏል።

 

ምንጭ፦ ሬውተርስ

 

You might also like
Comments
Loading...