Fana: At a Speed of Life!

ባለስልጣኑ ለ500 አርሶ አደሮች ቡናን ወደ ውጭ ለመላክ የሚያስችል ፍቃድ ሰጠ

አዲስ አበባ፣ታህሳስ14፣2011 (ኤፍ.ቢ.ሲ) የኢትዮጵያ ቡናና ሻይ ባለስልጣን ለ500 አርሶ አደሮች ቡናን ወደ ውጭ ለመላክ የሚያስችል ፍቃድ መስጠቱን አሰታወቀ።

ባለስልጣን መስሪያ ቤቱ ለአርሶ አደሮቹ በውጭ ገበያው ላይ ለመሳተፍ  የሚያስችል ፈቃድ  የሰጠው አዲሱ የቡና ንግድ ማሻሻያ ተግባራዊ መደረጉን ተከትሎ ነው ተብሏል።

ማሻሻያው አርሶ አደሮቹ በቀጥታ ቡናን ወደ ውጭ መላክ የሚችሉበትን አሰራር በማስቀመጡም የውጭ ግብይቱ ላይ አበረታች ለውጦች እየታዩ መሆናቸው ተገልጿል።

ቡናን ወደ ውጭ ለመላክ ፈቃድ ከወሰዱት አርሶ አደሮች ውስጥም 20 ዎቹ መላክ መጀመራቸውን በባለስልጣኑ የገበያ መረጃ እና ቁጥጥር ተወካይ ዳይሬክተር አቶ ዳዊት ይታገሱ ተናግረዋል።

ቀሪዎቹም በቀጣይ ቀናት ውስጥ መላክ ለመጀመር በዝግጅት ላይ መሆናቸውን ነው የገለፁት ።

ማሻሻያውን ተከትሎም ሌሎች ቡና አምራች አርሶ አደሮች በውጭ ንግዱ ላይ ተሳታፊ በመሆን ለሀገሪቱ የውጭ ምንዛሬን እንዲያስገኙ ባለስልጣኑ ጥሪ አቅርቧል።

 

በዙፋን ካሳሁን

You might also like
Comments
Loading...