Fana: At a Speed of Life!

በ190 ሚሊየን ብር ወጪ ሲካሄድ የቆየው የጎንደር ኤሌክትሪክ ማስፋፊያ ፕሮጀክት ተጠናቀቀ

አዲስ አበባ፣ ታህሳስ 22፣ 2011 (ኤፍ.ቢ.ሲ) በ190 ሚሊየን ብር ወጪ ሲካሄድ የቆየው የጎንደር ኤሌክትሪክ ማስፋፊያ ፕሮጀክት ተጠናቀቀ፡፡

በኢትዮጵያ ኤሌክትሪክ ኃይል የሰሜን ምዕራብ ሪጅን ማስተላለፊያና ማከፋፈያ ኦፕሬሽንና ጥገና ኃላፊ አቶ ውበት አቤ እንደገለጹት የጎንደር ከተማና አካባቢውን የኤሌክትሪክ ኃይል አቅርቦት ችግር ለመፍታት በ190 ሚሊዮን ብር ወጪ ነባር የማከፋፈያ ጣቢያ አቅም የማሳደግ ሥራ ተጠናቅቆ አገልግሎት መስጠት ጀምሯል፡፡

የማስፋፊያ ፕሮጀክቱ ቀደም ሲል ከ40 ሜጋ ዋት አቅም የነበነረውን ሃይል ወደ 126 ሜጋ ዋት ከፍ ማድረጉ አቶ ውበት ተናግረዋል፡፡

በዚህም 15 ሺህ ቮልት የሚሸከሙ የሁለት አዳዲስ ትራንስፎርመሮች ተከላ ጨምሮ የነባሩን ኃይል ማከፋፈያ ጣቢያ አቅም የማሳደግ ሥራ መከናዎኑን ኃላፊው አስግንዝበዋል፡፡

የማስፋፊያ ፕሮጀክቱ ተጠናቆ አገልግሎት መስጠት በመጀመሩ ቀደም ሲል በአካባቢው ይስተዋል የነበረውን የሃይል መጨናነቅና የፈረቃ ስራ እንዲቆም አድርጓል ብለዋል፡፡

ለጎንደር ከተማና አካባቢዋ ከሚሰጠው አገልግሎት በተጨማሪ የዳባት፣የደባርቅ፣የትክል ድንጋይ፣የሳንጃ የጭልጋና የቆላድባ ከተሞችን የኤሌትሪክ ኃይል ችግር ለመቅረፍ እንዳስቻለ አቶ ውበት የተናገሩት፡፡

የሃል ማስፋፊውን ፕሮጅክት ተከትሎ በጎንደር ከተማ አዳዲስ የኃይል ተሸካሚ የኤሌትሪክ መስመሮችን ለመዘርጋት ቅድመ ዝግጅት በመካሄድ ላይ እንደሚገኝም አስረድተዋል፡፡

You might also like
Comments
Loading...