Fana: At a Speed of Life!

በ10 ሰከንድ ዕይታ ውስጥ በፍቅር የጣለችውን ሴት ለማግኘት ስራውን ያቋረጠው ወጣት

አዲስ አበባ፣ታህሳስ 4፣2011(ኤፍ.ቢ.ሲ) በቻይና ቤጂንግ መፅሃፍ መደብር ውስጥ በ10 ሰከንድ እይታ በፍቅር የወደቀባትን ሴት ዳግም ለማግኘት ስራውን ያቋረጠው ወጣት አነጋጋሪ ሆኗል።

የ26 ዓመቱ ወጣት በምናቡ ከሚያስባት ልጅ ጋር የምትመሳሰለውን ግለሰብ በድጋሚ ለማግኘት የመረጠበት መንገድ ብዙዎችን አስገርሟል።

አፍቃሪው ልጅቷ በድጋሚ ወደ መፅሃፍ መደብሩ ትመጣለች በሚል ተስፋም ፥ከ 50 ቀናት በላይ በመደብሩ ውስጥ ልጅቷን በመጠበቅ ላይ መሆኑ ነው የተነገረው።

አፍቃሪው ወጣት ልጅቷ ትመጣለች በሚል ተስፋም እያንዳንዷን ሙሉ ቀን በመፅሃፍ መደብሩ ውስጥ የሚያሳልፍ መሆኑ ተገልጿል።

በዚህ ምክንያትም ወጣቱ  እራሱን የሚያስተዳድርበትን ስራ ማቋረጡ  ነው የተገለፀው።

እንደ ወጣቱ ገለፃ በ10 ሰከንድ ውስጥ በፍቅር የጣለቸውን ልጅ ለማግኘት የሚችለውን ሁሉ መስዋዕት ለመክፈል ዝግጁ መሆኑን ተናግሯል ።

በዚህ ሁሳኔውም ወጣቱ የዕለት ተዕለት ኑሮውን የሚመራበት ገንዘብ ማጣቱ የተገለፀ ሲሆን ፥ እስካሁን የቆየውም ከጓደኞቹ በሚቀበለው ብር መሆኑ ተነግሯል።

ይህ የወጣቱ ድርጊት በቻይና የማህበራዊ ድረ ገፆች ላይ ከተለቀቀ በኋላም በርካታ ሰዎችን እያነጋገረ መሆኑ ነው የተገለፀው።

አንዳንዶቹ ወጣቱ የአዕምሮ ችግር ያለበት መሆኑን በመግለፅ ልጅቷ በዕውን ያለች ከሆነ  ወደ መፅሃፍ መደብሩ በድጋሜ እንዳትሄድ ይናገራሉ።

በተቃራኒው ወጣቱ በፍቅር የወደቀባትን ልጃገረድ ለማግኘት ያለውን ፅኑ እምነት ያደነቁም አልጠፉም ።

ምንጭ፦ odditycentral.com

You might also like
Comments
Loading...