Fana: At a Speed of Life!

በፕሪሚየር ሊጉ 4ኛ ሳምንት ወልዋሎ ድል ቀንቶታል

አዲስ አበባ ፣ ህዳር 22 ፣ 2011 (ኤፍ ቢ ሲ) በኢትዮጵያ ፕሪሚየር ሊግ 4ኛ ሳምንት ዛሬ አንድ ጨዋታ ተካሂዷል።

ወልዋሎ አዲግራት ዩኒቨርሲቲ ዘንድሮ ወደ ፕሪሚየር ሊጉ የተቀላቀለው ደቡብ ፖሊስን አስተናግዷል።

በጨዋታው ወልዋሎ ኤፍሬም አሻሞ ከእረፍት በፊት ባስቆጠራት ብቸኛ ጎል 1 ለ 0 በሆነ ውጤት ማሸነፍ ችሏል።

ፕሪሚየር ሊጉ ነገም ሲቀጥል፥ በክልል ከተሞች አራት በአዲስ አበባ ስታዲየም ደግሞ አንድ ጨዋታ ይደረጋል።

ኢትዮጵያ ቡና ወደ ጎንደር አቅንቶ ከፋሲል ከነማ ሲጫወት፥ ወላይታ ዲቻ ደግሞ በሜዳው መቐለ ከተማን ያስተናግዳል።

ባህር ዳር ላይ ደግሞ ባህር ዳር ከተማ ከሃዋሳ ከተማ ሲጫወቱ፥ አዳማ ላይ አዳማ ከተማ ከሲዳማ ቡና ይጫወታሉ።

ሁሉም ጨዋታዎች በተመሳሳይ 9 ሰዓት ላይ የሚደረጉ ይሆናል።

በአዲስ አበባ ስታዲየም ደግሞ 10 ሰዓት ላይ ቅዱስ ጊዮርጊስ ከስሑል ሽረ ይገናኛል።

ጅማ አባ ጅፋር ከድሬዳዋ እንዲሁም ደደቢት ከመከላከያ ያደርጉት የነበረው ጨዋታ ደግሞ ለሌላ ጊዜ ተላልፏል።

 

 

ምንጭ፦ ሶከር ኢትዮጵያ

You might also like
Comments
Loading...