Fana: At a Speed of Life!

በጥርስ ማጽዳት ስራ የተሰማሩት ሴት ላይ የ1ሺህ ዩሮ የቅጣት ውሳኔ ተላለፈ

አዲስ አበባ፣ ህዳር 25፣ 2011 (ኤፍ.ቢ.ሲ) በጥርስ ማጽዳት ስራ የተሰማሩት ሴት ላይ የ1 ሺህ ዩሮ የቅጣት ውሳኔ ተላልፏል።

ነዋሪነታቸው በስኮትላድ የሆኑት ሴት በጥርስ ማጽዳት ስራ ላይ ተሰማርተው የነበረ ሲሆን፥ ድርጊቱ ለቅጣት እንደሚዳርጋቸው እውቅና ያልነበራቸው መሆኑ ተነግሯል።

ሴትዮዋ በዚህ የስራ ዘርፍ ለመሰመራት በሃገሪቱ የጥርስ ካውንስል መመዝገብ የነበረባቸው ሲሆን፥ ስራው አንዴት መከናዎን እንዳለበትም ቅድመ ስልጠና መሰውሰድ የነበረባቸው መሆኑ ነው የተገለጸው።

በዚህም ብሬንዳ ማክፋድይን የተባሉት እኚህ ሴት ይህንን የአሰራር ስርዓት በመተላለፍ በጥርስ ማጽዳት ስራ ላይ በመገኘታቸው በሳለፍነው ወር ፍርድ ቤት ቀርበው የ1 ሺህ ዩሮ ቅጣት ተላልፎባቸዋል ተብሏል።

ማክፋድይን ምንም እንኳ ይህ ድርጊታቸው እንደሚያስቀጣቸው እውቅናው ያልነበራቸው ቢሆንም፥ በውሳኔው ግን ተበሳጭተው የነበረ መሆኑ ነው የተገለፀው።

ሌሎች ሰዎች በዚህ ድርጊት ከመሳተፍ እንዲቆጠቡ ብሬንዳ ማክፋድይን መልዕክታቸውን ማስተላለፋቸውን ዘገባው ያመለክታል።

በብሪታኒያ ከስምንት ሰዎች አንዱ ከላይ በተጠቀሰው መንገድ ጥርስ የሚያጸዳ ሲሆን፥ ይህን ህግ የሚተላለፍ መሆኑም ነው የተጠቆመው።

ምንጭ፦ ቢ ቢ ሲ

You might also like
Comments
Loading...