Fana: At a Speed of Life!

በጃን ሜዳ ሀገር አቋራጭ የሩጫ ውድድር ተካሄዷል

አዲስ አበባ ፣ ህዳር 23፣ 2011 (ኤፍ.ቢ.ሲ) በኢትዮጵያ አትሌቲክስ ፌዴሬሽን የተዘጋጀው 2ኛው የክልሎች፣ ከተማ አስተዳደሮች ክለቦችና ተቋማት ሀገር አቋራጭ የሩጫ ውድድር ዛሬ በጃን ሜዳ ተካሂዷል።

ውድድሩ ማለዳው 2:30 ሰዓት ላይ በ144 ወጣት ሴቶች የ6 ኪሜ ውድድር ነው የተጀመረው፡፡

በውድድሩም በ6ኪሜ ወጣት ሴቶች ከሃዋሳ ከነማ ያለም ዘውድ የኋላው በ21 ደቂቃ ከ48 ሰከንድ በሆነ ሰዓት ውድድሩን በበላይነት አጠናቃለች፡፡

ከኦሮሚያ ፖሊስ ዘነቡ ፍቃዱ ሁለተኛ እና ከብርሃንና ሰላም ማተሚያ ዓለምፀሐይ አሰፋ ሦስተኛ ወጥታለች፡፡

በ8ኪሜ ወጣት ወንዶች ውድድር ደግሞ አማራ ክልልን የወከለው
ንብረት መላክ በ25 ደቂቃ ከ12 ሰከንድ በሆነ ሰዓት ውድድሩን በአንደኛነት አጠናቋል፡፡

በላቸው ቢተው ከአማራ ክልል ተስፋሁን አካልነው ከመከላከያ ሁለተኛና ሦስተኛ ደረጃን ይዘው አጠናቀዋል፡፡

በ8 ኪሜ ድብልቅ ሪሌይ ኦሮሚያ ክልል የበላይነቱን ይዞ አጠናቋል፣ ኦሮሚያ ውሃ ሥራዎች እና ኢትዮጵያ ንግድ ባንክ ሁለተኛና ሦስተኛ ደረጃ አግኝተዋል፡፡

ኮማንደር አትሌት ጌጤ ዋሚና  የኢትዮጵያ አትሌቲክስ ፌዴሬሽን ስራ አስፈፃሚ አቶ ፈሪድ መሃመድ ለውድድሩ አሸናፊዎች ሽልማቱን አበርክተዋል፡፡

 

 

 

You might also like
Comments
Loading...