Fana: At a Speed of Life!

በያዝነው ዓመት ከ9መቶ ሺህ በላይ ወጣቶች ቋሚ የስራ እድል ለመፍጠር እየተሰራ ነው – የከተማ ልማትና ኮንስትራክሽን ሚኒስቴር

አዲስ አበባ፣ ታህሳስ 22፣ 2011 (ኤፍ.ቢ.ሲ) የከተማ ልማትና ኮንስትራክሽን ሚኒስቴር በዚህ አመት ከ9 መቶ ሺ በላይ ወጣቶች ቋሚ የስራ እድል ለመፍጠር የሰራ መሆኑን አስታወቀ፡፡

የከተማ ልማት እና ኮንስትራክሽን ሚኒስትር ዴኤታ አቶ ካሳሁን ጎፌ እንደሚሉት በመቶ ሺ ዎች የሚቆጠሩ ስራ አጥ ወጣቶች በጥቃቅን እና አነስተኛ ለማሰማራት ታቀዶ እየተሰራ ነው፡፡

የያዝነው አመት እስኪጠናቀቅም ከ 9 መቶ ሺ በላይ ለሚሆኑ ስራ አጥ ወጣቶች ቋሚ የስራ እድል ለመፍጠር ታቀዶ እየተሰራ መሆኑን ነው አቶካሰሁን የሚናገሩት።

በሚኒስቴሩ የመቶ ቀናት የሰራ እቀድም 4መቶ 11 ሺ ያህል ወጣቶች የስራ እድል ለመፍጠር መታቀዱን አቶ ካሳሁን እንስተዋል፡፡

የስራ እድል ፈጠራው ሁሉንም ስራ አጥ ወጣቶች የሚያሳትፍ ነው ያሉት ሚኒስትር ዴኤታው ካለው የምሩቃን ብዛትና የስራ አጥ ቁጥር መብዛት በምሩቃን ላይ በስፋት የሚታይ ከመሆኑ የተነሳ ቅደሚያ ለመስጠት ታስቧል ብለዋል።

የማምረቻው ዘረፍ ላይ ቅድሚያ ትኩረት የተሰጠው ሲሆን÷ ዘርፉ ከሚፈጥረው የስራ እድል ፈጠራ ባለፈ የሚያስገኘው የውጭ ምንዛሬን ታሳቢ መደረጉንም ነው የገለጹት፡፡

የፌዴራል የከተሞች ስራ እድል ፈጠራና ምግብ ዋስትና ኤጀንሲ ምክትል ዋና ዳይሬክተር አቶ በቀለ መንግስቱ በበኩላቸው የጥሬ እቃ አቅርቦት ችግርንና ሌሎች የሚነሱ ችግሮችን ለመፍታት እየተሰራ ነው ብለዋል።

የገበያ ትስስር ላይም ያሉ ክፍተቶች ለህብረተሰቡ ግንዛቤ ከመፍጠር ጀምሮ ሌሎች ከመንግስት ተቋማት ጋር ትስስር የሚፈጥርባቸው ዘርፎች ላይ እየተሰራ መሆኑን አቶ በቀለ ተናግረዋል።

በዚህ አመት የስራ እድል ለሚፈጠርላቸው ወጣቶችም ከመንግስት ድጋፍ የሚደረግ መሆኑን አስገንዝበዋል።

በየአመቱ ከተለያዩ የከፍተኛ ትምህርት ተቋማትና ኮሌጆች የሚመረቁ ተማሪዎች በመንግስትና የግል ኩባንያዎች ውስጥ የስራ እድል የሚፈጠርላቸው ጥቂቶቹ ናቸው።

በዚህም በየአመቱ የተማረው የሰው ሀይል ሲጨምር የስራ አጥነት ቁጥር አብሮ የሚጨምር ሲሆን÷ ምሩቃን በተመረቁበት የስራ ዘርፍና ተያያዥ ሙያዎች ላይ ተደራጅተው በተለያዩ የስራመስኮች እንዲሰማሩ መንግስት አቅጣጫ አስቀምጦ እየሰራ ይገኛል።

በዙፋን ካሳሁን

You might also like
Comments
Loading...