Fana: At a Speed of Life!

በወቅታዊ ሀገራዊ ጉዳዮች ላይ ትኩረት ያደረገ ውይይት በመቐለ ከተማ እየተካሄደ ነው

አዲስ አበባ፣ ታህሳስ 6፣ 2011 (ኤፍ.ቢ.ሲ) በወቅታዊ ሀገራዊ ፖለቲካ፣ ማሕበራዊና ኢኮኖሚያዊ ጉዳዮች ላይ ትኩረት ያደረገ ሀገራዊ ውይይት በመቐለ ከተማ እየተካሄደ ይገኛል።

የመቐለ ዩንቨርሲቲ  ባዘጋጀው የውይይት መድረክ ላይ፥ የኢህአዴግ ነባር አመራሮች፣ ምሁራን፣ የሀይማኖት አባቶች እና 15 የተፎካካሪ የፖለቲካ ፓርቲ ተወካዮች ተገኝተዋል።

በመቐለ ከተማ እየተከናወነ ባለው መድረክ ላይ ኢትዮጵያ ባለፉት 27 ዓመታት በፖለቲካ፣ ማሕበራዊ እና ኢኮኖሚ ዘርፎች ያስመዘገበቻቸው ለውጦች ውይይት ይደረግባቸዋል።

በተጨማሪም በአሁኑ ወቅት እየታዩ ያሉት የፀጥታ ችግሮች በተመለከተ ውይይት በማድረክ መፍትሔ ሐሳቦች ይቀርባሉ ተብሎም ነው የሚጠበቀው።

የተፎካካሪ የፖለቲካ ፓርቲ ተወካዮች ውይይቱ ወቅታዊ መሆኑን አንስተዋል።

በዚህ መድረክ መሳተፋቸውም አወንታዊ ሀገራዊ ስሜት እንደሚፈጥርላቸው በመግለፅ፤ መፍትሄ የሚሆኑ ሀሳቦች በማቅረብ የበኩላቸው እንደሚወጡ ገልፀዋል።

ዛሬ የተጀመረው የውይይት መድረክ እስከ ነገ የሚቀጥል መሆኑን ተነግሯል።

 

በአብዱ ካሕሳይ

You might also like
Comments
Loading...