Fana: At a Speed of Life!

ከ3 ሚሊየን ዶላር በላይ ወጭ የተገነባው ጊዜ ያለፈባቸው መድሀኒቶች ማስወገጃ ማዕከል ስራ ሊጀምር ነው

አዲስ አበባ፣ ህዳር 25፣ 2011 (ኤፍ.ቢ.ሲ) በ3 ነጥብ 4 ሚሊየን ዶላር ወጭ የተገነባው ጊዜ ያለፈባቸው መድሀኒቶች ማስወገጃ ማዕከል ስራ ሊጀምር ነው።

በ3 ነጥብ 4 ሚሊየን ዶላር ወጭ የተገነባው የአዳማ ከተማ ጊዜ ያለፈባቸው መድሀኒቶች ማቃጠያ ዘመናዊ ማዕከል ከ 2 ሳምንት በኋላ ስራ አንደሚጀምር የጤና ጥበቃ ሚኒስቴር አስታወቀ።

የጤና ጥበቃ ሚኒስትር ዶክተር አሚር አማን ማዕከሉን በጎበኙቱበት ወቅት እንደገለጹት ማዕከሉ ጊዜያቸው ካለፈባቸው መድሀኒቶች አወጋገድ ጋር ተያይዞ ከህብረተሰቡ የሚነሳውን ቅሬታ ለመፍታት ያስችላል።

ማዕከሉ ጊዜያቸው ያለፋባቸው መድሃኒችን በማስወገድ አቅምና ጥራት በአፍሪካ የመጀመሪያው ሲሆን፥ በሰዓት 1 ሺህ ኪሎ ግራም ጊዜ ያለፈባቸውን መድሀኒቶች ማቃጠል የሚችል ነው ተብሏል።

በሌሎች 7 ቦታዎች ተመሳሳይ ማዕከላት እየተገነቡ ሲሆን፥ ከ 3 ወር በኋላ ወደ ስራ እንደሚገቡ ታውቋል።

ይህን ማዕከል ጨምሮ በግንባታ ላይ ለሚገኙት ማዕከላት ከ13 ሚሊየን ዶላር በላይ ወጭ መደረጉም ተነግሯል።

በሲሳይ ሀይሌ

You might also like
Comments
Loading...