Fana: At a Speed of Life!

በኤችአይቪ ተጽዕኖ ዙሪያ ትኩረቱን ያደረገ የዳሰሳ ጥናት ይፋ ሆነ

አዲስ አበባ፣ ታህሳስ 1፣ 2011(ኤፍ.ቢ.ሲ) በኢትዮጵያ ለመጀመርያ ጊዜ በሀገር ዓቀፍ ደረጃ በኤችአይቪ ተጽዕኖ ዙሪያ ትኩረቱን ያደረገ የዳሰሳ ጥናት ይፋ ሆኗል፡፡

የዳሰሳ ጥናቱ ቫይረሱ በደማቸው ይገኝባቸዋል ተብለው ከሚገመቱት ውስጥ 72 በመቶዎቹ ራሳቸውን እንደሚያውቁ አሳይቷል፡፡

እንዲሁም ራሳቸውን ካወቁት ውስጥ ደግሞ 71 በመቶዎቹ ህክምና መጀመራቸውንም ዳሷል፡፡

ከነዚህም አብዛኛዎቹ ማለትም ህክምና ከጀመሩት ውስጥ 71 በመቶዎቹ ቫይረሱ በደማቸው ውስጥ እጅግ ዝቅተኛ መጠን ማስመዝገቡንም በጥናቱ ተገልጿል፡፡

ሆኖም አዲስ በቫይረሱ የሚያዙ የህሙማን ቁጥር ላለፉት ስምንት ዓመታት ባለበት ደረጃ እንዲቆም መደረጉ፤ ከእናት ወደ ልጅ ቫይረሱ እንዳይተላለፍ የመከላከል ሥራ መቀነሱና በደማቸው ቫይረሱ የተገኘባቸው ህሙማን ሁሉ ህክምና ማስጀመር ያለመቻሉ ክፍተቶች ናቸው ተብለዋል፡፡

በዚህም ወደፊት ቫይረሱን ለመከላከል የትኩረት መስኮችን መለየት እንደሚገባ የጤና ጥበቃ ሚኒስትሩ ዶክተር አሚር አማን አስታውቀዋል፡፡

You might also like
Comments
Loading...