Fana: At a Speed of Life!

በኢትዮጵያና ኬንያ ወሰን ሰላምና ደህንነት ጉዳዮች ላይ የሚመክር መድረክ በሀዋሳ ከተማ እየተካሄደ ነው

አዲስ አበባ፣ ታህሳስ 5፣ 2011 (ኤፍ.ቢ.ሲ) በኢትዮጵያና ኬንያ ወሰን ሰላምና ደህንነት ጉዳዮች ላይ የሚመክር መድረክ በሀዋሳ ከተማ እየተካሄደ ነው።

በውይይት መድረኩ ላይ ከሁለቱ ሀገራት የተወከሉ የመንግስት የስራ ሃላፊዎችና ባለሙያዎች እየተሳተፉ ይገኛል።

ውይይቱ በሁለቱ ሀገራት ወሰን አካባቢ ከጋራ ሃብት አጠቃቀሞ ጋር በተያያዘ የሚነሱ ግጭቶችን በመፍታት አስተማማኝና ዘላቂ ሰላም ለማስፈን ያለመ ነው ተብሏል።

ለዚህም ቀደም ሲል በደቡብ ኦሞና ቱርካና ሃይቅ፣ በኢትዮጵያና ኬንያ ሁለቱም ሞያሌዎች አካባቢ የሁለቱን ሀገራት ህዝቦች ያሳተፉ ተመሳሳይ ውይይት ሲካሄድ መቆየቱ ተገልጿል።

ከእነዚህ ውይይቶች የመነሻ ግብዓት ተወስዶ በባለሙያዎች ቀርቦ ውይይት እየተደረገበት መሆኑም ነው የተገለጸው።

የኢፌዴሪ የሰላም ሚኒስትር ዲኤታ አቶ ዘይኑ ጀማል እንደገለጹት የኢትዮጵያና ኬንያ መልካም ጉርብትና በአፍሪካ በአርዓያነት የሚጠቀስ ነው ብለዋል።

አልፎ አልፎ በሁለቱ ሀገራት ወሰን አካባቢ ከሃብት አጠቃቀም ጋር በተያያዘ የሚነሱ ግጭቶች መኖራቸውን ጠቅሰው፥ የውይይት መድረኩ ችግሮችን ለመፍታት በሚያስችሉ ጉዳዮች ላይ እየተካሄደ መሆኑን ገልጸዋል።

የሁለቱን ሀገራት መልካም ጉርብትና የበለጠ ለማጠናከርና አልፎ አልፎ የሚከሰቱ ግጭቶችን በባህላዊ መንገድ ለመፍታት ያለመ መሆኑም ተነግሯል።

በአሳየናቸው ታዬ

You might also like
Comments
Loading...