Fana: At a Speed of Life!

በአውሮፓ ቻምፒየንስ ሊግ ሊቨርፑልና ቶተንሃም ጥሎ ማለፉን ተቀላቅለዋል

አዲስ አበባ ፣ህዳር 3፣2011 (ኤፍ.ቢ.ሲ) ትናንት ምሽት የአውሮፓ ቻምፒየንስ ሊግ ከምድብ 1 እስከ 4 ባሉ ቡድኖች መካከል የምድብ የመጨረሻ ጨዋታዎች ተደርገዋል።

በዚህም የእንግሊዞቹ ቶተንሃምና ሊቨርፑል በምሽቱ ጨዋታ ጥሎ ማለፉን መቀላቀላቸውን አረጋግጠዋል።

በምድብ ሶስት ሊቨርፑል ናፖሊን 1 ለ 0 ሲያሸንፍ፥ በምድብ ሁለት ደግሞ ቶተንሃምና ባርሴሎና ባደረጉት ጨዋታው 1 ለ 1 በሆነ አቻ ውጤት ተለያይተዋል።

ውጤቱን ተከትሎም ሊቨርፑል ፒ ኤስ ጂን ተከትሎ ከምድቡ ወደ ጥሎ ማለፉ ተቀላቅሏል።

በሌላ ጨዋታ ፒ ኤስ ጂ ክርቬና ዝቬዝዳንን 4 ለ 1 በሆነ ሰፊ የጎል ልዩነት ሲያሸንፍ፥ ኢንተር ሚላንና ፒ ኤስ ቪ ያደረጉትን ጨዋታ 1 ለ ለ 1 በሆነ አቻ ውጤት አጠናቀዋል።

ምድቡን ባርሴሎና በበላይነት ሲያጠናቅቅ ቶተንሃም 2ኛ በመሆን 16ቱን ተቀላቅሏል።

በሌላ ጨዋታ ቦሩሲያ ዶርትመንድ ከሜዳው ውጭ ሞናኮን 2 ለ 0፣ ፖርቶ ጋላታሳራይን 3 ለ 2፣ ሻልከ 04 ሎኮሞቲቭ ሞስኮን 1 ለ 0 ሲያሸንፉ፥ ክለብ ብሩጅ ከአትሌቲኮ ማድሪድ 0 ለ 0 ተለያይተዋል።

ዶርትመንድና አትሌቲኮ ማድሪድ ከምድብ 1 እንዲሁም ፖርቶና ሻልከ ደግሞ ከምድብ 4 ጥሎ ማለፉን ተቀላቅለዋል።

 

 

You might also like
Comments
Loading...