Fana: At a Speed of Life!

በአማራ ክልል የብሄር ብሄረሰቦችን በዓል ለማክበር ዝግጅት መደረጉ ተገለፀ

አዲስ አበባ ህዳር፣ 25፣2011 (ኤፍ.ቢ.ሲ) በአማራ ክልል 13ኛው የብሄር ብሄረሰቦች በዓልን በደመቀ ሁኔታ ለማክበር ዝግጅት መደረጉን የክልሉመ መንግስት ኮሙኒኬሽን ጉዳዮች ዕህፈት ቤት አስታወቀ።

የፅህፈት ቤቱ ሀላፊ አቶ አሰማህኝ አስረስ በሰጡት መግለጫ፥ 13ኛው የብሄር ብሄረሰቦች በዓል በነገው ዕለት በክልሉ ምክር ቤት እንደሚከበር ተናግረዋል።

ሀላፊው  የብሄር ብሄረሰቦች በዓል በብዝሃነት የደመቀ ኢትዮጵያዊ አንድነት በሚል መሪ ቃል እንደሚከበር ገልፀዋል።

በዓሉ ካለፉት ዓመታት በብዙ መንገዶች በተለየ ሁኔታ እመርታዊ ለውጥ በመጣበት ጊዜ የሚከበር በመሆኑ አንስተዋል።

ዜጎች ለውጡን ለማስቀጠል ከልዩነት ወጥተው  በአንድነት የሚያከብሩት በዓል እንደሆነ ነው በመግለጫው ወቅት የተናገሩት።

በናትናኤል ጥጋቡ

You might also like
Comments
Loading...