Fana: At a Speed of Life!

በስትራስቡርግ የአዲስ ዓመት ገበያ ላይ ጥቃት በማድረስ የተጠረጠረው ግለሰብ ተገደለ

አዲስ አበባ፣ ታህሳስ 5፣ 2011 (ኤፍ.ቢ.ሲ) በፈረንሳይ ስትራስቡርግ የአዲስ ዓመት ገበያ ጥቃት በማድረስ የተጠረጠረው የ29 ዓመቱ ቸካት ከፖሊስ ጋር በተደረገ የተኩስ ልውውጥ ተገድሏል።

የፈረንሳይ የሀገር ውስጥ ጉዳዮች ሚኒስትር እንደገለጸው ተጠርጣሪውን በቁጥጥር ስር ለማዋል ፖሊስ ተሰማርቷል።

ተጠርጣሪው በስትራስቡርግ ጎዳና ላይ ከታየ በኋላ ፖሊስ ሊያስቆመው ሲሞክር ፖሊስ ላይ ተኩስ መክፈቱን ተከትሎ በተደረገው የተኩስ ልውውጥ ህይወቱ አልፏል ነው የተባለው።

በፈረንሳይ በስትራስቡርግ የአዲስ አመት የገበያ ቦታ ባሳለፍነው ማክሰኞ በተፈጸመ ጥቃት የሶስት ሰዎች ህይወት ሲያልፍ በርካቶች መቁሰላቸው ይታወሳል።

ተጠርጣሪው ጥቃቱን ከፈጸመ በኋላ የታክሲ አሽከርካሪ በማስገደድ ከአካባቢው የተሰወረ ሲሆን፥ የጦር መሳሪያና ስለት ታጥቆ እንደነበርም ተገልጿል።

ከጥቃቱ ጋር በተያያዘ ሌሎች 5 ግለሰቦችም በቁጥጥር ስር ውለዋል ተብሏል።

በቁጥጥር ስር ከዋሉት ተጠርጣሪዎች መካከልም የቸካት ሁለት ወንድሞች ይገኙበታል።

ምንጭ፦ ቢ ቢ ሲ

You might also like
Comments
Loading...