Fana: At a Speed of Life!

በህገ ወጥ መንገድ ሀገር ውስጥ የገቡ 1 ሺህ በላይ የሞባይል ቀፎዎች በቁጥጥር ስር ዋሉ

አዲስ አበባ፣ታህሳስ 22፣2011 (ኤፍ ቢ ሲ) በህገ ወጥ መንገድ ወደ ሀገር ውስጥ የገቡ 1 ሺህ 90 የሞባይል ቀፎዎች በሻሸመኔ የጉሙሩክ መቆጣጠሪያ ጣቢያ በቁጥጥር ስር መዋላቸው ተገለፀ።

አጠቃላይ ግምታቸው 861 ሺህ ብር የሆኑ 1 ሺህ 90 የሞባይል ቀፎዎች በትናንትናው ዕለት በቁጥጥር ስር መዋላቸውን የሻሸመኔ ጉሙሩክ መቆጣጠሪያ ጣቢያ ሀላፊ ኮማንደር ጫላ ቡልጫ ተናግረዋል።

ተጠርጣሪዎቹ ህገ ወጥ የሞባይል ቀፎዎችን የቢራ ጠርሙስ በጫነ ተሽከርካሪ ላይ በመደበቅ ከሞያሌ ወደ አዲስ አበባ ለማሳለፍ ሲሞክሩ በፖሊስ በተደረገ ፍተሻ በቁጥጥር ስር መዋላቸው ተገልጿል።

ከድርጊቱ ጋር በተያያዘም ሁለት ተጠርጣሪዎች በቁጥጥር ስር መዋላቸውን የገለጹት ኮማንደሩ፥ ህገ ወጥ ነጋዴዎች ከጊዜ ወደ ጊዜ ስልታቸውን እየቀየሩ መምጣታቸውን ጠቁመዋል።

ስለሆነም የሚመለከታቸው አካላት ይህ አይነቱን ድርጊት ለመቆጣጠር የበኩላቸውን አስተዋፅኦ እንዲያበረክቱ ጥሪ አቅርበዋል።

በተያያዘ ዜና በትናንተናው ዕለት ከመተማ ተነስተው ወደ ባህር ዳር ሊገቡ የነበሩ ግምታዊ ዋጋቸው ከ 350 ሺህ በላይ የሆኑ የሺሻ ዕቃዎች በባህዳር ጉሙሩክ ቅርንጫፍ ፅህፈት ቤት ሴራባ መቆጣጠሪያ ጣቢያ ላይ በቁጥጥር ስር መዋላቸውን የገቢዎች ሚኒስቴር አስታውቋል።

 

You might also like
Comments
Loading...