Fana: At a Speed of Life!

ቀለል ያሉና ባህላዊ መጫወቻዎች ለህጻናት ጠቃሚ ናቸው

አዲስ አበባ ፣ ህዳር 25፣ 2011 (ኤፍ.ቢ.ሲ) ቀለል ያሉና ባህላዊ መጫዎቻዎች ለህጻናት ጠቃሚ ናቸው።

አሻንጉሊት፣ የመኪና ሞዴሎች፣ በመሰካካት የተለያዩ ቅርጾችን ለመስራት የሚያስችሉ ፕላስቲኮች በዲጂታል መጫዎቻወች ፋንታ ህጻናትን ሊያዝናኑና ሊያስደስቱ ከማስቻለቻውም በላይ የፈጠራና የሃሳብ አድማስ ለማስፋት፣ የተለያዩ ሙከራዎችን ለማድረግ እድል እንደሚሰጡ ተነግሯል።

ይሁን እንጂ ወላጆች የዲጂታል የህጻናት መጫወቻወች ለህጻነቱ አስተማሪዎችአድረገው የሚያስቡ መሆኑን ነው በኒዮርክ በህጻናት ህክምና ሳይንስ ረዳት ፕሮፌሰር የሆኑት ሜንደለሶህን የሚናገሩት።

ዲጂታል የህጻናት መጫወቻዎች በራሳቸው ጎጂ ናቸው ለማለት ባይቻልም ህጻናቱ ከቤተሰቦቻቸው ጋር ሊኖራቸው የሚገባውን ግንኙነት ሊተኩ እንደማይገባም አስረድተዋል።

ሀጻናት ከዲጂታል መጫወቻዎች መማር የሚችሉትም ውስን ክህሎቶች መሆኑን ረዳት ፕሮፌሰሩ ተናገረዋል።

በዚህም እድሜያቸው ከ18 ወራት በታች የሆኑ ህጸናት ፈጽሞ ወደ ስክሪን መቅረብ የሌለባቸውና ሙሉ ጊዜያቸውን ከሞግዚቶቻቸው ጋር ማሳለፍ እንዳለባቸው የአሜሪካ የህጻናት ሀኪሞች አካዳሚ ሪፓረት ያመለክታል።

ከ2 እስከ 5 ዓመት የሆኑ ህጻናት በቤተሰቦቻቸው አጋዥነት ቴሌቪዥን፣ ኮምፒዩተርና የእጅ ስልኮች ላይ በየቀኑ ከአንድ ሰዓት ያልበለጠ ጊዜ ማሳለፍ እንዳለባቸው ነው የተገለጸው።

ምንጭ፦ ዩ ፒ አይ ዶት ኮም

You might also like
Comments
Loading...