Fana: At a Speed of Life!

ሳዑዲ አረቢያ ለቱኒዚያ የ830 ሚሊየን ዶላር የፋይናስ ድጋፍ አደረገች

አዲስአበባ፣ ታህሳስ 7፣ 2011(ኤፍ.ቢ.ሲ) ሳዑዲ አረቢያ ለቱኒዚያ  የ830 ሚሊየን ዶላር የፋይናስ ድጋፍ ማድረጓን የሀገሪቱ ጠቅላይ ሚኒስትር ዮሱፍ ቻሄድ አስታወቁ።

ጠቅላይ ሚኒስትሩ ይህን ይፋ ያደረጉት በሳዑዲ አረቢያ የነበራቸውን ጕብኝት ማጠናቀቃቸውን ተከትሎ ነው።

ዮሱፍ ቻሄድ 500 ሚሊየን ዶላሩ  የሀገሪቱን በጀት ለመደገፍ፣ 230 ሚሊየን ዶላሩ ደግሞ አለም አቀፍ ንግድን ፋይናስ ለማድረግ የሚውል ሲሆን፥ ቀሪው 100 ሚሊየን ዶላር  የተለያዩ ፕሮጀክቶችን ለመደገፍ የሚውል ነው ብለዋል።

ባለፈው ወር የሳዑዲ ልዑል አልጋ ወራሽ መሃመድ ቢን ሳሊማን በቱኒዚያ ባደረጉት ጉብኝት   ከጋዜጠኛ ጀማል ካሺጊ ግድያ ጋር ተያይዞ ተቃውሞ እንደገጠማቸው የሚታወስ ነው።

ልዑሉ በቱኒዚያ በነበራቸው ቆይታ በኢኮኖሚ፣ ፋይናስ፣ ኢንቨስትመንት፣ በደህንነት ትብብራቸውን ለማጠናከር  እንዲሁም ፅንፈኝት እና ሽብርተኝነትን ለመከላከል ወታደራዊ ግንኙነታቸውን ለማሻሻል ተስማምተዋል።

ቱኒዚያ በአሁን ወቅት ያጋጠማትን የበጀት፣ የውጭ ምንዛሬ  እጥረትና በአለም አቀፍ አበዳሪዎች የሚጠበቅባት መስፈርት ለሟሟላት ጥረት በማድረግ ላይ ትገኛለች።

ምንጭ፥ አልጀዚራ

You might also like
Comments
Loading...