Fana: At a Speed of Life!

ሩሲያ ከቬኒዝዌላ ጋር የ6 ቢሊየን ዶላር የኢንቨስትመንት ስምምነት ፈጸመች

አዲስ አበባ፣ ህዳር 28፣ 2011 (ኤፍ.ቢ.ሲ) ሩሲያ ከደቡብ አሜሪካዋ ቬኒዝዌላ ጋር የ6 ቢሊየን ዶላር የኢንቨስትመንት ስምምነት መፈራረሟ ተገለጸ፡፡

ይህ የተሰማው የቬኒዝዌላው ፕሬዚዳንት ኒኮላስ ማዱሮ በሩሲያ የሦስት ቀን ጉብኝት ካደረጉ በኋላ ነው ተብሏል፡፡

ማዱሮ እየተዳከመ ያለውን የሃገራቸውን የምጣኔ ሃብት እድገት ያለመ ጉዞ ማድረጋቸው ተገልጿል፡፡

በዚህም ከሩሲያው ፕሬዚዳንት ቭላድሚር ፑቲን ጋር ባደረጉት ቆይታ ድጋፍ እንደተቸራቸው ተነግሯል፡፡

ከምዕራባውያን ጋር ውዝግብ ውስጥ የምትገኘው ቬኒዝዌላ በከፍተኛ የገንዘብ እጥረት ውስጥ እንደምትገኝ ይታወቃል፡፡

በዚህም ምክንያት መሰረታዊ የሚባሉ የምግብ ፍጆታዎችንና የመድሃኒት አቅርቦቶች ችግር እንደገጠማቸው ተነግሯል፡፡

ማዱሮ ከፑቲን ጋር ባደረጉት በዚህ ስምምነት የሞስኮን የስንዴ ምርትን ወደ ካራካስ ማስገባት የሚያስችል ስምምነት ይገኝበታል ተብሏል፡፡

 

ምንጭ፦ ዘ ሞስኮ ታይምስ

በአብርሃም ፈቀደ

You might also like
Comments
Loading...