Fana: At a Speed of Life!

ሩሲያ በስለላ ወንጀል የጠረጠረችውን አሜሪካዊ ግለሰብ በቁጥጥር ስር አዋለች

አዲስ አበባ፣ታህሳስ 22፣2011 (ኤፍ ቢ ሲ)ሩሲያ የሀገሪቷን የደህንነት ሚስጢር ለሌላ ወገን አሳልፎ በመስጠት የጠረጠረችውን አሜሪካዊ ግለሰብ በቁጥጥር ስር አዋለች።

ኤፍ ኤስ ቢ የተሰኘው የሩሲያ የደህንነት ተቋም በሀገሪቱ በስለላ ስራ ላይ ተሰማርቷል የተባለውን አሜሪካዊ ግለሰብ በቁጥጥር ስር ማዋሉን አስታውቋል።

ፓውል ዌላን የተባለው አሜሪካዊ ግለሰብ መቀማጫውን ሩሲያ በማድረግ የስለላ ተግባር አከናውኗል በሚል ተጠርጥሮ ባሳለፍነው አርብ ዕለት በቁጥጥር ስር መዋሉ ተገልጿል።

ይሁን እንጅ ሩሲያ ግለሰቡ ለየትኛው ሀገር እና በምን መልኩ ሲሰልል እንደነበር ዝርዝር መረጃ ከመስጠት ተቆጥባለች።

ተጠርጣሪው ወንጀለኛ መሆኑ የሚረጋገጥ ከሆነም በሀገሪቱ ህግ መሰረት ከ 10 እስከ 20 ዓመት የሚደርስ የእስር ቅጣት ይጠብቀዋል ተብሏል።

ከዚህ በፊትም አሜሪካ በስለላ ስራ ተሰማርቷል ያለችውን  ሩሲያዊ ዜጋ ማሰሯን ተከትሎ ሀገራቱ ውዝግብ ውስጥ መግባታቸው ይታወቃል።

ከዚህ ባለፈም ሩሲያ የቀድሞ የደህንነት ባለሙያዋ በነበረውን ግለሰብ ላይ በመርዝ የታገዘ የነርቭ ጥቃት ማካሄዷን ተከትሎ አሜሪካና ምእራባውያን አጋሮቿ በሀገራቸው የሚገኙ ከ 100 በላይ የሩሲያ ዲፕሎማቶችን ማስወጣታቸው ይታወሳለ ።

ሩሲያ በበኩሏ ድርጊቱን አለመፈፀሟን ስታስተባብል መቆየቷ ነው የተገለፀው።

 

ምንጭ፦ቢቢሲ

You might also like
Comments
Loading...