Fana: At a Speed of Life!

ላለፉት 20 ዓመታት በየቀኑ ውሃ ውስጥ የሚውሉት እናት

አዲስ አበባ፣ ህዳር 25፣ 2011 (ኤፍ.ቢ.ሰ) የ65 ዓመቷ ሴት እስከአንገታቸው ውሃ ውስጥ ገብተው የሚውሉ መሆኑ ያልተለመደ ክስተት ሆኗል።

አዛውንቷ ላለፉት ሁለት አስርት ዓመታት ጠዋት ከቤታቸው በመነሳት በአካባቢያቸው ወደ ሚገኝ ሃይቅ በመውረድ እስከ አንገታቸው ድረስ ውሃ ውስጥ ገብተው መዋል የዘወትር ድርጊታቸው ማድረጋቸውም ነው የተገለጸው።

ነዋሪነታቸው ህንድ ውስጥ ቤንጋል ገጠራማ አካባቢ የሆነው እኚህ እናት፥ ይህን ተግባር የሚፈጽሙት ምንነቱ ባልታወቀ በሽታ መለከፋቸውን ተከትሎ ነው ተብሏል።

ጠዋት ጸሃይ ከመውጣቷ በፊት ገስግሰው በአካባቢያቸው ወደሚገኘው ሃይቅ በማምራት ጸሃይ እስከምትገባ ድረስ ውሃ ውስጥ እንደሚቆዩ ተነግሯል።

ምንነቱ ባልታወቀ በሽታ ሰውነታቸው ካበጠ እና ለከፍተኛ የህማም ስሜት ከተዳረጉበት ከፈረንጆቹ 1998 ዓ.ም ጀምሮ ከሃይማኖታዊ ሰርዓት ጋር በተያያዘ ይህን ድርጊት መጀመራቸው ተነግሯል።

በዚህም ሴትዮዋ ውሃ ውስጥ በሚገቡበት ወቅት የህመም ስሜቱ የሚቀነሰ ሲሆን፥ በየቀኑ ወደዚህ ሃይቅ እየወረዱ ለተከታታይ ሁለት አስረት ዓመታት ያህል ይህን ተግባር በመፈጸም ላይ መሆናቸው ታውቋል።

በቀን ከ12 እስከ 14 ሰዓታትን  ውሃ ውስጥ የሚያሳልፉት አዛውንቷ፤ ሩዝ እና አትክልት በጥቂቱ እንደሚመገቡ የተገለጸ ሲሆን፥ ሁኔታው የምግብ ፍላጎታቸው ላይ ተጽዕኖ ሳያሳድር እንዳልቀረ ተጠቁሟል።

ቤተሰቦቻቸው ውሃ ውስጥ እንዳሉ ምግብ እንደሚወስዱላቸው የተገለጸ ሲሆን፥ ቆዳቸውን ጸሃይ ላለማስመታት ውሀ ውስጥ ሆነው እንደሚመገቡም ነው የተገለጸው።

በአካባቢው መንፈሳዊ የሆኑ ሰዎች ከረጅም ጊዜ የሃይቅ ውስጥ ቆይታ በኋላ ሴትየዋ የሀይቁ መንፈስ ይሆናሉ ብለው እንደሚያምኑ የገለጹ ሲሆን፥ ቤተሰቦቻቸው በበኩላቸው አንድ ቀን ወደ ህክምና ወስደው ምንነቱ ካልታወቀው በሽታቸው እንደሚፈወሱ ለማድረግ ተስፋ እንዳላቸው ዘገባው ያስረዳል።

አሁን ላይ ግን ይንን ለማድረግ የሚያስችል አቅም የሌላቸው መሆኑም ነው የተገለጸው።

ምንጭ፦ኦዲቲይሴንትራል ዶት ኮም

You might also like
Comments
Loading...