Fana: At a Speed of Life!

ለወርቅ ካለው ፍቅር የተነሳ 13 ኪሎ ግራም የወርቅ ጌጦችን አድርጎ የሚውለው ቬትናማዊ

አዲስ አበባ፣ ታህሳስ 3፣ 2011 (ኤፍ.ቢ.ሲ) ቬትናማዊው ነጋዴ ለወርቅ ካለው ልዩ ፍቅር የተነሳ የእሲያ ሀገራት የማህበራዊ ትስስር ድረ ገፆች መነጋገሪያ መሆን ከጀመረ ሰነባብቷል።

ተራን ናጎክ የሚባለው ይህ የ36 ዓመቱ ነጋዴ ለወርቅ ካለው ፍቅር የተነሳም በየእለቱ 13 ኪሎ ግራም የሚመዝን ወርቅ ሰውነቱ ላይ አጥልቆ ሲዘዋወር ይውላል ነው የተባለው።

ታዲያ ይህ ግለሰብ ይህን ሁሉ ወርቅ አድርጎ በሚዘዋወርበት ጊዜ ምንም አይነት የመስረቅ ሙከራ እንዳይደረግበት በአምሰት ጠባቂዎች ታጅቦ እንደሚንቀሳቀስም ተነግሯል።

13 ኪሎ ግራም ወርቅን አጥልቆ የሚጓዘው ቬትናማዊው ነጋዴ፤ እንዲህ በማድረጉም መልካም እድልን እንደሚያመጣለት ነው የሚያምነው።

ግለሰቡ በእለት ተእለት እንቅስቃሴውም 5 ኪሎ ግራም አንገት ላይ የሚታሰር ሰንሰለት እና ሜዳሊያ፣ እያንዳንዳቸው 5 ኪሎ ግራም የሚመዝኑ 2 የእጅ አምባሮች፣ 500 ግራም የጣት ቀለበትና 500 ግራም የወርቅ የልብስ ቁልፍ ነው የሚያደርገው።

አንድ ላይ 13 ኪሎ ግራም የሚመዝኑት እነዚህ የወርቅ ጌጣጌጦች በአጠቃላይ 13 ቢሊየን የቬትናም ዶንግ ወይም 550 ሺህ የአሜሪካ ዶላር ነው የሚያወጡት ተብሏል።

ነጋዴው ተራን ናጎክ የወርቅ ጌጦቹን መግዛት የጀመረው ከ5 ዓመት በፊት መሆኑን የተናገረ ሲሆን፥ ይህንን ማድረግ የጀመረውም አማካሪው ወርቅ ማብዛት መልካም እድልን ያሰፋል ካለው በኋላ መሆኑንም ገልጿል።

ምንጭ፦ www.odditycentral.com

You might also like
Comments
Loading...