Fana: At a Speed of Life!

ለኢትዮጵያ ቡና እና ቅዱስ ጊዮርጊስ ክለቦች የልምምድ እና ስቴዲየም መስሪያ ቦታ ሊሰጥ ነው

አዲስ አበባ ፣ታህሳስ 21፣2011 (ኤፍ ቢ ሲ)የአዲስ አበባ ከተማ አስተዳደር ለኢትዮጵያ ቡና እና ቅዱስ ጊዮርጊስ የእግር ኳስ ክለቦች የልምምድ እና ስቴዲየም መስሪያ ቦታ ሊሰጥ መሆኑን አስታወቀ።

የስፖርት ክለቦቹ በተደጋጋሚ የልምምድ መስሪያ ቦታ እና የማስፋፊያ ቦታ ችግር እንዳለባቸው  በተለያየ ጊዜ  ለከተማ አስተዳደሩ ጥያቄዎችን ሲያቀርቡ ቆይተዋል።

ስለሆነም  አዲሱ የአዲስ አበባ ከተማ አስተዳደር ጥያቄው አግባብነት ያለው መሆኑን በመገንዘብ ለሁለቱም የከተማችን  ክለቦች የልምምድ መስሪያ ቦታ ለመስጠት ውሳኔ ላይ መድረሱ ነው የተገለፀው።

ከዚህ ባለፈም መስተዳድሩ የስፖርት ክለቦቹ  እራሳቸውን ለማሳደግ በሚያደርጉት ጥረት ላይ  አስፈላጊውን ድጋፍ ለማድረግ ዝግጁ መሆኑን ከከንቲባ ፅህፈት ቤት ያገኘነው መረጃ ያመላክታል።።

You might also like
Comments
Loading...