Fana: At a Speed of Life!

ህንድና የተባበሩት አረብ ኤምሬቶች በኢትዮጵያ የኢንፎርሜሽን ቴክኖሎጂ የልህቀት ማዕከል ሊገነቡ መሆኑን አስታወቁ

አዲስ አበባ፣ ህዳር 26፣ 2011 (ኤፍ.ቢ.ሲ) ህንድና የተባበሩት አረብ ኤምሬቶች በኢትዮጵያ የኢንፎርሜሽን ቴክኖሎጂ የልህቀት ማዕከል ሊገነቡ መሆኑን አስታወቁ፡፡

ይህ የተሰማው የህንድ የውጭ ጉዳይ ሚኒስትር ሱሽማ ሱዋራጅ ዩናይትድ አረብ ኤምሬቶችን በጎበኙበት ወቀት ነው ተብሏል፡፡

ሁለቱ ሀገራት ለአፍሪካ የጋራ ድጋፍ ለማድረግም የመግባቢያ ስምምነት መፈራረማቸው ተሰምቷል፡፡

በዚህ ወቅትም ህንድ ባሏት የዘርፉ ባለሙያዎች በመታገዝ እንዲሁም ዩናይትድ አረብ ኤምሬቶች ደግሞ የፋይናንስ ድጋፍ በማድረግ ነው ፕሮጀክቱን ተግባራዊ ለማድረግ የወሰኑት ተብሏል፡፡

የድጋፍ ፕሮጀክቱ በአፍሪካ ተግባራዊ ለማድረግም ኢትዮጵያ ቅድሚያ እንደተሰጣት ተገልጿል፡፡

ከአስራ አምስት ቀናት በፊት መቀመጫውን አቡ ዳቢ ያደረገው ኤግል ሂልስ የተሰኘ ኩባንያ በ50 ቢሊየን ብር ወጪ በለገሃር አካባቢ የተቀናጀ መንደር ግንባታ በይፋ ማስጀመሩ ይታወሳል፡፡

 

 

ምንጭ፦ዘናሽናል

በአብርሃም ፈቀደ

You might also like
Comments
Loading...