Fana: At a Speed of Life!

ሃማስን ለማውገዝ የቀረበው ረቂቅ ውድቅ ተደረገ

አዲስ አበባ፣ህዳር 28፣2011 (ኤፍ.ቢ.ሲ) አሜሪካ ያቀረበችውና ሀማስን ለማውገዝ የቀረበው ረቂቅ ውድቅ ተደረገ።

በአሜሪካ እና እስራኤል አነሳሽነት ለመንግስታቱ ድርጅት አባል ሀገራት ለመጀመሪያ ጊዜ ሃማስን ለማውገዝ ያቀረቡት ረቂቅ ውድቅ ተደርጓል።

ሀማስ በእስራኤል ላይ የሰነዘረውን የሮኬት ጥቃት ለማውገዝ የቀረበውን ረቂቅ ሀሳብ ለማፅደቅ የመንግስታቱ ድርጅት አባል ሀገራት ሰሞኑን ድምጽ ሰጥተዋል።

በተካሄደው ድምጽ አሰጣጥም 87ቱ አባል ሀገራት ሀማስን ለማውገዝ የቀረበውን ረቂቅ ሃሳብ ሲደግፉ፥ 57 ሀገራት ደግሞ ሀሳቡን ተቃውመዋል።

ቀሪዎቹ 33 የመንግስታቱ ድርጅት አባል ሀገራት ደግሞ በጉዳዩ ላይ ድምፅ ከመስጠት ተቆጥበዋል።

ረቂቁ ተግባራዊ ይሆን ዘንድ የተመድ ጠቅላላ ጉባኤን 2/3 ድምፅ ማግኘት ይገባው ነበር።

የሃሳቡ ውድቅ መሆን ተከትሎም  ሀማስ ሃሳቡ ተግባራዊ እንዳይሆን ለተቃወሙ አባል ሀገራት ከፍተኛ ምስጋና አቅርቧል።

የሃሳቡ ውድቅ መሆንም አሜሪካ በቀጠናው የምታራምደው ፖሊሲ የተሳሳተና ነባራዊ ሁኔታውን ያላገናዘበ መሆኑን ያሳያል  ነው የተባለው።

የእስራኤል ጠቅላይ ሚኒስትር ቤንያሚን ኔታንያሁ በበኩላቸው፥ ሀማስን ለማውገዝ የተካሄደው ምርጫ የአብዛኛው አባል ሀገራትን ድምፅ በማግኘቱ መደሰታቸውን ተናግረዋል።

ይህም ሀሳቡ ትክክለኛ እና ተቀባይነት ያለው መሆኑን ያመላክታል ያሉት ኔታንያሁ፥ ሀሳቡን የተቃወሙ አባል ሀገራት ጉዳዩን በድጋሜ እንዲያጤኑት ጠይቀዋል።

 

ምንጭ፦ሲ ኤን ኤን

 

 

You might also like
Comments
Loading...