Fana: At a Speed of Life!

ሂዝቦላህ እስራኤል በሊባኖስ ላይ የምትፈፅመውን ጥቃት እንድታቆም አስጠነቀቀ

አዲስ አበባ፣ህዳር 26፣2011 ኤፍ.ቢ.ሲ) ሂዝቦላህ እስራኤል በሊባኖስ ላይ የምትፈፅመውን ጥቃት እንድታቆም ማስጠንቁቁ ተገለፀ።

እስራኤል በሉዓላዊት ሀገር ሊባኖስ ላይ የምትፈፅመውን ጥቃት በአስቸኳይ እንድታቆም  የሂዝቦላህ የፖለቲካ ጉዳዮች ሀላፊ ሃሰን ሆባላህ አሳስበዋል።

ሂዝቦላህ ማስጠንቀቂያውን ያስተላለፈው የእስራኤል ወታደሮች በሊባኖስ  ደቡብ አቅጣጫ በሚገኙ ግዛቶች ላይ ያደረጉትን ትንኮሳ ተከትሎ ነው ተብሏል።

እስራኤል በዚህ ዘመቻም የሂዝቦላህ ይዞታ በሆኑ ግዛቶች የሚገኙ የተለያዩ ምሽጎች ላይ ጥቃት የመሰንዘር እቅድ እንዳላት ተገልጿል።

ስለሆነም የእስራኤል ወታደሮች ከዚህ ድርጊታቸው የማይቆጠቡ ከሆነ ሂዝቦላህ  ተመጣጣኝ እርምጃ የሚወስድ መሆኑን ሃሰን ሆባላህ ተናግረዋል።

ከእስራኤል የሚቃጣውን ማንኛውንም ጥቃት ለመከላከልም የሂዝቦላህ ወታደሮች በቂና ተመጣጣኝ ዝግጅት ማድረጋቸውን አስታውቀዋል።

የሊባኖስ ፕሬዚዳንት በበኩላቸው እስራኤል ሰሞኑን በሀገሪቱ ደቡብ አቅጣጫ የምትፈፅመውን ጥቃት በአንክሮ እየተከታተሉ መሆኑን ተናግረዋል።

በጉዳዩ ዙሪያ ከተለያዩ የመንግስት ባለስልጣናት ጋር ውይይት ማድረጋቸውን የሀገሪቱ ብዙሃን መገናኛ ድርጅት  ኤን ኤን ኤ ዘግቧል።

ይህን ተከትሎም የሀገሪቱ ወታደሮችና የደህንነት ሰራተኞች በአካባቢው ላይ ጥብቅ ቁጥጥር እንዲያደርጉ ትዕዛዝ ማስተላለፋቸው ነው የተገለፀው።

 

ምንጭ፦presstv.com

 

 

 

You might also like
Comments
Loading...