Fana: At a Speed of Life!

የተማሪዎች የፈጠራ ስራ ውድድር መካሄድ ጀመረ

አዲስ አበባ፣ጥቅምት 28፣2011 (ኤፍ ቢ ሲ) የትምህርት ሚኒስቴር ከስቴም ሲነርጂ ጋር በመተባበር ያዘጋጀው የተማሪዎች የፈጠራ ስራ ውድድር በዛሬው ዕለት በኢኖቬሽንና ቴክኖሎጂ ሚኒስቴር  መካሄድ ጀምሯል።

በውድድሩም 196 የሚደርሱ ተማሪዎች የፈጠራ ስራዎቻቸውን እያቀረቡ መሆናቸው ነው የተገለፀው፡፡

ተወዳዳሪ ተማሪዎች የትምህርት ሚኒስቴር እና ስቴም ሲነርጂ በሀገሪቱ ከሚገኙ 14 ማዕከላቱ የመለመሏቸው ናቸው ተብሏል፡፡

የተማሪዎች ፈጠራ ስራ ለውድድር ቀርቦ ከተገመገመና ደረጃ ከወጣለት በኋላ ለአሸናፊ የፈጠራ ባለሙያዎች  ሽልመትና እውቅና የሚሰጣቸው መሆኑን የኢኖቬሽንና ቴክኖሎጂ ሚኒስቴር አስታውቋል፡፡

ሚኒስቴር መስሪያ ቤቱ ከስቴም ሲነርጂ ጋር ወጣቶች የፈጠራ ስራዎቻቸውን ወደ ምርት እንዲቀየሩ ለማድረግና በጋራ ለመስራት ስምምነት መፈራረማቸው ይታወሳል፡፡

በዚህ መሰረትም ስቴም ሲነርጂ የወጣቶች የፈጠራ ስራዎች ወደ ምርት ገብተው ገንዘብ እንዲያስገኙ ለማድርግ በሚደረገው ጥረት ውስጥ የገንዘብና የቁሳቁስ ድጋፍ የሚያደርግ መሆኑ ተገልጿል።

 

You might also like
Comments
Loading...