Fana: At a Speed of Life!

በዓለም የመጀመሪያው ውሃ ውስጥ የተሰራ ቅንጡ ሆቴል

አዲስ አበባ፣ጥቅምት 28፣2011 (ኤፍ ቢ ሲ ) ለአንድ ቀን አዳር 50 ሺህ ዶላር የሚያስከፍለው ቅንጡ የውሃ ውስጥ ሆቴል ስራ መጀመሩ ተገለፀ።

በማልዲቬስ ኮንራድ ራንግሊ ደሴት ላይ የተገነባው ይህ ቅንጡ ሆቴል ፥ በዓለም የመጀመሪያው ውድ የውሃ ውስጥ ሆቴል ነው ተብሏል ።

በህንድ ውቅያኖስ ውስጥ የተገነባው ይህ ባለ ሁለት ፎቅ ቅንጡ የውሃ ውስጥ ሆቴል ሙራካ ይሰኛል።

ሆቴሉ የግል ጅምናዚዬም ፣ዘመናዊ ባርና ሬስቶራንት ፣ዘመናዊ የመዋኛ ገንዳ፣ምቹ የውሃ ውስጥ ክፍሎች፣ ቅንጡ የእንግዳ ማረፊያ ሳሎን እና የተለያዩ አቅርቦቶችን በውስጡ ይዟል።

የህንፃው የላይኛው ፍሎር ዓለምን በቀላሉ ለመቃኘት የሚያስችል ዕይታን ከማጎናፀፉ በተጨማሪ በውቅያኖሱ ዳር በመሆን አስደሳች ጊዜን ለማሳለፍ ያስችላል።

ሙራካ የተሰኘው ይህ ቅንጡ ሆቴል  ለአንድ ቀን  አዳር 50 ሺህ ዶላር የሚያስከፍል ሲሆን፥ የአራት ቀን ጥቅል አገልግሎት መግዛትም ግዴታ መሆኑ ተነግሯል።

ሆቴሉ የሚያቀርበው ጥቅል አግልግሎትም ከምቹ ክፍሎች በተጨማሪ የግል ሼፍን እና የግል መዝናኛ ጀልባን ያካተተ መሆኑ ተገልጿል።

ምንጭ፥ upi.com

 

You might also like
Comments
Loading...