Fana: At a Speed of Life!

ፍርድ ቤቱ ቡራዩ በተፈፀመው የሰው ህይዎት መጥፋትና ንብረት መውደም የተጠረጠሩ 38 ሰዎች ላይ የ28 ቀን የምርመራ ጊዜ ፈቀደ

አዲስ አባባ፣ ህዳር 21፣ 2011 (ኤፍ.ቢ.ሲ) ፍርድ ቤቱ በቡራዩና አካባቢው በተፈጸመ የሰው ህይወት ማጥፋት፣ ንብረት ማውደም እና አካል ጉዳት ማድረስ ወንጀል በተጠረጠሩ 28 ሰዎች ላይ የ28 ቀን የምርመራ ጊዜ ፈቀደ።

የፌደራሉ የመጀመሪያ ደረጃ አራዳ ምድብ ችሎት ዛሬ በዋለው ችሎት በቡራዩና አካባቢው በተፈጸመ የሰው ህይወት ማጥፋትና ንብረት ማውደም የተጠረጠሩ 65 ተጠርጣሪዎችን ጉዳይ ተመልክቷል።

በጉዳዩ ተጠርጥረው ፍርድ ቤት ከቀረቡ ተጠርጣሪዎች ውስጥ 13ቱን ፖሊስ በዋስ መልቀቁን ለፍርድ ቤቱ አስታውቋል።

በሌላ በኩል ፖሊስ በቀሪ 38 ተጠርጣሪዎች ላይ ተጨማሪ ምርመራ ለማከናወን የ28 ቀን ጊዜ ይሰጠኝ ሲል ፍርድ ቤቱን ጠይቋል።

ተጠርጣሪዎቹ በበኩላቸው ከዚህ በፊት በቡራዩ ከተማ ወረዳ ፍርድ ቤት ጉዳያቸው ሲታይ የነበረ መሆኑን በማስታወስ በዋስ እንዲወጡ ፍርድ ቤቱን ጠይቀዋል።

መርማሪ ፖሊስም በተጠርጣሪዎቹ ላይ ወንጀሉን መፈጸማቸውን የሚያመላክት ማስረጃ ማግኘቱን አስታውቋል።

የግራ ቀኙን ሀሳብ ያዳመጠው ፍርድ ቤቱም ፖሊስ የጠየቀውን የ28 ቀን የምርመራ ጊዜ በመፍቀድ ለታህሳስ 19 ቀን 2011 ዓ.ም ተለዋጭ ቀጠሮ ሰጥቷል።

ፍርድ ቤቱ ቀሪ የ17 ተጠርጣሪዎችን ጉዳይ ደግሞ በነገው ዕለት በልዩ ሁኔታ የሚመለከት መሆኑ ነው የተገለፀው።

 

 

በታሪክ አዱኛ

 

You might also like
Comments
Loading...