Fana: At a Speed of Life!

የግብፅ ፍርድ ቤት የካፍ የቀድሞ ፕሬዚዳንት ኢሳ ሀያቱን በ27 ነጥብ 9 ሚሊየን ዶላር ቀጣ

አዲስ አበባ፣ ህዳር 20 2011 (ኤፍ.ቢ.ሲ) የግብፅ ፍርድ ቤት የአፍሪካ እግር ኳስ ኮንፌዴሬሽን (ካፍ) የቀድሞ ፕሬዚዳንት ኢሳ ሀያቱ ላይ የ27 ነጥብ 9 ሚሊየን የአሜሪካ ዶላር ቅጣት ማሳለፉ ተነግሯል።

የቅጣት ውሳኔውን ያሳለፈው የግብፅ የኢኮኖሚ ፍርድ ቤት ሲሆን፥ ከኢሳ ሀያቱ በተጨማሪም የካፍ የቀድሞ ዋና ፀሃፊ ሂቻም ኤል አምራኒንም በተመሳሳይ የ27 ነጥብ 9 ሚሊየን የአሜሪካ ዶላር ቅጣት ጥሏል።

ፍርድ ቤቱ በካፍ የቀድሞ አመራሮች ላይ የቅጣት ውሳኔውን ያሳለፈው በአውሮፓውያኑ 2015 ላጋርዴር ከተባለ የፈረንሳይ የሚዲያ ኩባንያ ጋር በቢሊየን ዶላር የሚቆጠር ስምምነት በሚፈራረሙበት ጊዜ የግብፅን ህግ አጭበርብረዋል በሚል ነው።

ካፍ በወቅቱ የተፈራረመው ስምምነት ግለፀኝነት እና ተዓማኒነት እንደሚጎድለውም ነው የግብፅ የኢኮኖሚ ፍርድ ቤት ያስታወቀው።

በዚህም መሰረት የካፍ የቀድሞ ፕሬዚዳንት ኢሳ ሀያቱ እና የቀድሞ ዋና ፀሃፊ ሂቻም ኤል አምራኒ እያንዳንዳቸው በ27 ነጥብ 9 ሚሊየን የአሜሪካ ዶላር እንዲቀጡ ውሳኔ አሳልፎባቸዋል።

ውሳኔውን አስመልክቶ መግለጫ የሰጡት የአፍሪካ እግር ኳስ ኮንፌዴሬሽን (ካፍ) የቀድሞ ፕሬዚዳንት ኢሳ ሀያቱ እና የቀድሞ ዋና ፀሃፊ ሂቻም ኤል አምራኒም የተላለፈባቸው ቅጣት ተገቢ አለመሆኑን እና ይግባኝ እንደሚጠይቁ አስታውቀዋል።

ምንጭ፦ africa.cgtn.com

You might also like
Comments
Loading...