Fana: At a Speed of Life!

የጃፓን ተማሪዎች እራሳቸውን የማጥፋት ተግባር ከጊዜ ወደ ጊዜ እየተስፋፋ መምጣቱ አሳሳቢ ሆኗል

አዲስ አበባ፣ ጥቅምት 27፣ 2011 (ኤፍ.ቢ.ሲ) የጃፓን ተማሪዎች እራሳቸውን የማጥፋት ተግባር ከጊዜ ወደ ጊዜ እየተስፋፋ መምጣቱ አሳሳቢ ሆኗል።

የጃፓን ትምህርት ሚኒስቴር መረጃ እንደሚያመላክተው በሀገሪቱ ባለፉት 30 ዓመታት ተማሪዎች እራሳቸውን የማጥፋት ተግባር አሁን ላይ ከፍተኛ ደረጃ ላይ ደረሷል።

በፈንርጆቹ 2016/17 የትምህርት ዘመን በሀገሪቱ ከ1ደረጃ እስከ 2ኛ ደረጃ ባሉ ትምህርት ቤቶች 250 ወጣት ተማሪዎች እራሳቸውን ማጥፋታቸው ተገልጿል።

በሀገሪቱ አራሳቸውን የሚያጠፉ ሰዎች ቁጥር በ2003 ከነበረበት 34 ሺህ 500፣ በ2017 ወደ 21 ሺህ ዝቅ ማለቱን ዘገባው አስታውሷል።
ምንም እንኳ ከላይ የተጠቀሰው አሃዝ በጊዜ ሂደት እየቀነሰ ቢመጣም ወጣት እና ህጻናት ላይ አሁንም ጭማሪ አየታየ መሆኑ ታውቋል።

ተማሪዎቹ ከቤተሰብ ችግሮች፣ በወደፊቱ ህይወታቸው ጉዳይ በመጨነቅ እና መገለል ጋር በተያያዘ እራሳቸውን ለማጥፋት መነሳሳታቸውን መረጃዎች ይጠቁማሉ።

ከ250 ሟች ተማሪዎች መካከል 140 ያህሉ ህጻናት እና ወጣቶች እራሳቸውን ለማጥፋት ስለተነሳሱበት ጉዳይ መረጃ ያለመኖሩ ተነግሯል።

አብዛኞቹ ሟቾችም የ2ኛ ደረጃ ትምህረት ቤት ተማሪዎች ሲሆኑ፥ ተግባሩ ከፈረንጆቹ 1968 ወዲህ በሃገሪቱ ከፍተኛው ነው ተብሏል።

በአፍላ እድሚያቸው ህይወታቸው ከሚያልፍ የሀገሪቱ ዜጎች ማካከል ከላይ የተጠቀሰው ተግባር ቀዳሚ መሆኑም ነው በዘገባው የተገለጸው።

በሀገሪቱ ከዚሁ ጉዳይ ጋር በተያያዘ የሚከሰተውን ሞት ለመቀነስ እየተሰራ ሲሆን፥ ወጣት እና ህፃናቱን በተለያዩ ጉዳዮች ላይ ለማማከር የሚያስችሉ የነጻ መስመር አገልግሎቶች መኖራቸው ተገልጿል።

ምንጭ፦ .bbc.com

You might also like
Comments
Loading...