Fana: At a Speed of Life!

የኢትዮጵያ ምርት ገበያ የአባልነት መቀመጫ በ3 ነጥብ 2 ሚሊየን ብር ተሸጠ

አዲስ አበባ ህዳር 20 ፣ 2011 (ኤፍ ቢ ሲ) የኢትዮጵያ ምርት ገበያ 3 ነጥብ 2 ሚሊየን ብር የጨረታ ዋጋ ላቀረቡ ተጫራቾች የአባልነት መቀመጫዎች ተሸጡ፡፡

በአባላት ጥያቄ መሰረት ሶስት የመደበኛ አባልነት መቀመጫዎችን ለመሸጥ ለስድስተኛ ጊዜ በምርት ገበያው ዋና መስሪያ ቤት ባካሄደው ጨረታ ነው ሽያጩን የፈፀመው።

በዚህ ጨረታ ላይ ሶስት ተጫራቾች የምርት ገበያውን የአባልነት ወንበር ለመግዛት ዋጋ ያቀረቡ ሲሆን፥ ለጨረታ የቀረበው ከፍተኛው ዋጋ 3 ነጥብ 2 ሚሊየን ብርና  ዝቅተኛው ደግሞ 2 ነጥብ 2 ሚሊየን ነው፡፡

ለአባልነት መቀመጫ ለጨረታ የቀረበው ከፍተኛው ገንዘብ ካለፈው ዙር የአባላት መቀመጫ ሽያጭ ጨረታ ውጤት ጋር ሲነፃፀር የ36 ሺህ ብር ብልጫ አሳይቷል ተብሏል፡፡

የኢትዮጵያ ምርት ገበያ 347 አባላት እንዳሉት የተገለፀ ሲሆን፥ ይህ የመገበያያ መቀመጫ ተገበያይና አገናኝ አባል በመባል የሚታወቁ ሁለት አይነት የአባልነት መደቦች አሉት፡፡

ተገበያይ አባል የሚገበያየው በራሱ ስም ሲሆን፥ አገናኝ አባል ደግሞ በራሱ ወይም በደንበኞች ስም መገበያየት የሚያስችል የአባልነት አይነት ነው፡፡

You might also like