Fana: At a Speed of Life!

የቻይና የቴክኖሎጂ ኩባንያዎች የተጠቃሚዎቻቸውን እንቅስቃሴ እየመዘገቡ ነው

አዲስ አበባ ፣ ህዳር 21፣ 2011 (ኤፍ.ቢ.ሲ) የቻይና ኢንተርኔት አቅራቢ ኩባንያዎች የተጠቃሚዎቻቸውን የግል መረጃ እና ኦንላይን እንቅስቃሴዎች መመዝገብ መጀመራቸው ተነገረ፡፡

ይህ አሰራር በህብረተሰቡ አስተሳሰብ ላይ ተፅዕኖ ሊፈጥሩ በሚችሉ የኢንተርኔት አቅራቢ ኩባንያዎች ላይ ያነጣጠረ መሆኑ ነው የተነገረው።

አዲሱ አሰራር ካለፈው ዓርብ ጀምሮ መተግበር የጀመረ ሲሆን፥ ይህም ቴንሴንት እና አሊባባን ለመሰሉ ኩባንያዎች በቅርብ ጊዜ የተጣለ ጥብቅ ገደብ ነው ተብሏል፡፡

የኢንተርኔት አቅራቢ ኩባንያዎቹ የተጠቃሚዎቻቸውን ብሎጎች፣ መልዕክት መለዋወጫዎች እና ሌሎች እንቅስቃሴዎች  መከታተል እንደጀመሩም ነው የተገለፀው፡፡

የሀገሪቱ መንግስት ብሄራዊ ደህንነትንና ማህበራዊ ስርዓትን ለመጠበቅ የኢንተርኔት አቅራቢ ኩባንያዎች የተጠቃሚዎቻቸውን ማንነትና የተለያዩ እንቅስቃሴዎች ሊከታተሉ እንደሚገባ አስታውቋል፡፡

ጉዳዩ ተግባራዊ መሆኑን የሚከታተሉ የመንግስት አካላት የሚኖሩ ሲሆን፥ የኢንተርኔት ኩባንዎች በምን ያህል መጠን የተጠቃሚዎቻቸውን እንቅስቃሴ እንደሚከታተሉ ግን ይፋ አልተደረገም፡፡

ምንጭ፡-ሲ ኤን ኤን

You might also like
Comments
Loading...