Fana: At a Speed of Life!

የቤጉህዴፓ ማዕከላዊ ኮሚቴ መደበኛ ስብሰባ ከነገ ጀምሮ ይካሄዳል

አዲስ አበባ፣ ህዳር 21፣ 2011 (ኤፍ.ቢ.ሲ) የቤኒሻንጉል ጉሙዝ ህዝቦች ዴሞክራሲያዊ ፓርቲ የማዕከላዊ ኮሚቴ መደበኛ ስብሰባ በአሶሳ ከተማ ከነገ ጀምሮ ይካሄዳል።

በስብሰባው ማዕከላዊ ኮሚቴው የድርጅቱን መዋቅራዊ ሁኔታ በመፈተሽ በክልሉ የተጀመረውን የለውጥ እንቅስቃሴ በምን ደረጃ ላይ እንደሚገኝ በመገምገም አቅጣጫ ያስቀምጣል ተብሎ ይጠበቃል።

ከዚህ ባለፈም ስብሰባው በዋነኝነት በክልሉ ላይ የተጋረጠውን የፀጥታ ችግር በመፈተሽ ውሳኔ ያሳልፋል ተብሎም ነው የሚጠበቀው።

በተጨማሪም ስብሰባው የተለያዩ የመፍትሄ አቅጣጫዎችን እንደሚያስቀምጥ ከፓርቲው ማዕከላዊ ፅህፈት ቤት ያገኘነው መረጃ ያመላክታል።

You might also like
Comments
Loading...