Fana: At a Speed of Life!

የመወለጃ ቀናቸው ሳይደርስ የተወለዱ ህጻናት ስኬታማ ህይወት መኖር ይችላሉ

አዲስ አበባ፣ ህዳር 14፣ 2011 (ኤፍ.ቢ.ሲ) የመወለጃ ቀናቸው ሳይደርስ የተወለዱ ህጻናት ስኬታማ ህይወት መኖር እንደሚችሉ ተገልጿል።

የጋንዲ መታሰቢያ ሆስፒታል መረጃ እንደሚያመላክተው በ2010 ዓ.ም ከተወለዱት 1ሺህ 898 ህጻናት መካከል 333ቱ የመወለጃ ቀናቸው ሳይደርስ የተወለዱ ናቸው፡፡

ይሁን እንጂ ህጻናቱ ተገቢ የህክምና እንክብካቤና ክትትል ካገኙ ማደግ የሚችሉ እና አምራች ዜጋ የመሆን እድላቸው ሰፊ መሆኑ ተነግሯል።

በጋንዲ ሆስፒታል የመወለጃ ቀናቸው ሳይደርስ የሚወለዱ ህጻናት ቀን በዓል አከባበር ላይ የ4 ዓመት ከ2 ወር ሴት ልጃቸውን ይዘው የተገኙት ወ/ሮ አልማዝ ታደሰ ህጻን ምህረት ያሬድን የመወለጃ ቀኗ ሳይደርስ 7 ወር ሳይሞላት መውለዳቸውን ገልጸዋል።

ይህችው ህጻን በወቅቱ የጋንዲ መታሰቢያ ሆስፒታል ባለሙያዎችም ለ2 ወር ያህል ሙቀት ክፍል እንድትቆይ በማድረግና የህክምና እንክብካቤዎችን በመስጠት አሁን ላይ የ4 ዓመት ከ2 ወር ዕድሜ ላይ መድሷን ነው የተናገሩት።

አሁን ላይም ህጻን ምህረት በሙሉ ጤንነት ላይ እንደምትገኝ አሰረድተዋል፡፡

የሴትና ወንድ መንታ ልጆች እናት የሆኑት ወ/ሮ መሰረት ፈለቀም በተመሳሳይ መልኩ 6 ወር ከ15 ቀን ላይ በአካባቢያቸው በሚገኝ አንድ ጤና ጣቢያ የመጀመሪያ መንትያ ሴት ልጃቸውን ማግኘታቸውን ነው የሚናገሩት፡፡

ከዚያም ወደ የካቲት 12 ሆስፒታል ለበለጠ የህክምና ድጋፍ የተላኩት እኚህ እናት ከ1 ሰዓት በኋላ ሁለተኛውን መንትያ ወንድ ልጅ ማግኘታቸው ነው የተገለጸው፡፡

በወቅቱ ሁለቱም ልጆች 1 ኪሎ ግራም እንኳን ያልሞሉት መንትያዎቹ ለ2 ወራት ያህል በሙቀት ክፍል እንዲቆዩ ተደርገው አሁን ላይ 3 ወር የሞላቸው ሲሆን፥ በሙሉ ጤነኝነት ላይ መሆናቸው ተነግሯል።

 

You might also like
Comments
Loading...