Fana: At a Speed of Life!

ካፍ መስከረም ታደሰን የሴቶች እግርኳስ ልማት ኃላፊ አድረጎ ሾመ

አዲስ አበባ፣ ጥቅምት 29፣2011 (ኤፍቢሲ) ወይዘሮ መስከረም ታደሰ የካፍ የሴቶች እግርኳስ ልማት ኃላፊ በመሆን መሾማቸው ተነገረ፡፡

ወይዘሮ መስከረም ዛሬ በካይሮ ግብፅ ካፍ በሚያደርገው ስብሰባ በይፋ ኃላፊነታቸውን እንደሚረከቡ ይጠበቃል።

በአሁኑ ወቅት የኢትዮጵያ እግር ኳስ ፌዴሬሽን ምክትል ፀሀፊ በመሆን በመስራት ላይ ይገኛሉ ተብሏል፡፡

ከዚህ ቀደም በተለያዩ ጊዜያት የኢትዮጵያ ሴቶች ብሔራዊ ቡድንን በቡድን መሪነት በመምራት እንዲሁም የሴካፋ የሴቶች ቻምፒዮና ላይም በፀሀፊነት እና በአስተባባሪነት አገልግለዋል፡፡

ካፍ የሴቶች እግር ኳስ ልማት ኃላፊነትን እንዲመሩ የሾማቸው በኢትዮጵያም ሆነ በአፍሪካ ደረጃ የሴቶች እግር ኳስ እንዲያድግ ካበረከቱት አስተዋፅዖ አንፃር መሆኑ ተገልጿል፡፡

ወይዘሮ መስከረም ከሹመታቸው በኋላ በሰጡት አስተያየት ከካፍ ጋር በተለይም በሴቶች እግርኳስ ዙሪያ መስራት የሁል ጊዜ ህልሜ ነበር ይህ በመሳካቱም ደስተኛ መሆናቸውን ተናግረዋል፡፡

እንዲሁም  በተለያዩ የካፍ መድረኮች በትጋት የሰሯቸው ስራዎች ለሹመት እንዳበቃቸው ጠቅሰው ከዚህ በኋላም ሁሌም ለመሻሻል እና ይበልጥ ለመስራት እጥራለው ሲሉ አስተያየታቸውን ሰጥተዋል፡፡

በመጨረሻም ሹመቱ ሌሎች ኢትዮጵያዊያንም ይበልጥ እንዲሰሩ የሚያበረታታ ነው። ለኔም ይህ አጋጣሚ ያለኝን ክህሎት ለማሳየት እንዲሁም ሴቶች እግርኳስን ማስተዳደር እና ተፅዕኖ መፍጠር እንደሚችሉ ለማሳየት ትልቅ ዕድል ይፈጥርልኛል ብለዋል፡፡

 

 

ምንጭ፦ሶከር ኢትዮጵያ

 

You might also like
Comments
Loading...