Fana: At a Speed of Life!

ከመታጠቢያ ገንዳ ለመውጣት አቅቷቸው ለ5 ቀናት በዚያው የቆዩት እናት

አዲስ አበባ፣ ጥቅምት 29፣ 2011(ኤፍ.ቢ.ሲ) አሊሰን ጊብሰን የተባሉት ሚችጋን ግዛት ነዋሪ ከመታጠቢያ ገንዳ ለመውጣት አቅቷቸው ለ5 ቀናት በዚያው ቆይተዋል።

ወይዘሮዋ በሌሎቹ ያለፉት ጊዜያት ገላቸውን ከታጠቡ በኋላ ከገንዳው ለመውጣት የሚጠቀሙ ድጋፍ መኖሩ ታውቋል።

በዚህ ጊዜ ግን የመታጠቢያ ገንዳቸው ገብተው ገላቸውን ከተጠቡ በኋላ ለመውጣት ያለመቻላቸው ነው የተገለጸው።

ገንዳቸውላይ በጀርባቸው የተኙት እናት ከመታጠቢያ ገንዳቸው ለመውጣት የሚጠቀሙትን ድጋፍ ለመጨበት እጃጀውን ቢዘረጉም ያልደረሱበት መሆኑን ነው ዘገባው የሚያመለክተው።

የእርዳታ ጥሪ ለማስተላለፍ ውስጣቸው ቢሽትም ስልካቸው ሌላ ክፍል ትተው መታጠቢያ ቤት መግባታቸውም ተነግሯል።

በዚህም ለ5 ተከታታይ ቀናት የመታጠቢያ ገንዳቸው ላይ እንዳሉ መቆየታቸው ታውቋል።

ሴትዮዋ በ5 ቀናት የመታጠቢያ ቤት ውስጥ ቆይታቸው ብርድ ሲጠናባቸው የሞቀ ውሃ ቧንቧ፣ ውሃ ሲጠማቸው ደግሞ ቀዝቃዛ የውሀ ቧንቧ በመክፈት ህይወታቸውን መታደግ መቻላቸውን ተናግረዋል ተብሏል።

የቤት ለቤት ፖስታ ዕደላ ሰረተኞች ወደ ወይዘሮዋ ግቢ ባመሩበት ወቅትም ቀደም ሲል የተቀመጠላቸውን መልዕክቶች ያለማንሳታቸውን ገለጸዋል።

የፖስታ ሰረተኞቹ መልዕክታቸውን ቶሎ ቶሎ ያነሱ የነበሩት ሴት ደህንነት በመጠርጠርም የሴትዮዋን ስም ደጋግመው ይጣራሉ።

ለጊዜው መልስ ያላገኙት ፖስተኞቹ በቤት ጀርባ ሄደው ሲጣሩ ሴትየዋ መታጠቢያ ቤት ሆነው ምላሽ መስጠታቸውም ነው የተገለጸው።

በዚህም ከፖስታ ቤት ሰራተኞች ለሀገሪቱ ፖሊስ በ 911 በተደረገ ጥሪ መሰረት ፓሊስ የሴትዮዋን ቤት መስኮት ሰብሮ ሲገባ ወይዘሮዋ የመታጠቢያ ገንዳቸው ላይ በጀርባቸው ተኝተው 5 ቀናትን አስቆጥረው ተገኝተዋል።

በአካባቢው ወደ ሚገኝ ሆስፒታል ለህክምና የተወሰዱት እኚህ ሴት ከ4 ቀናት በኋላ በሰላም ወደቤታቸው ተመልሰዋል።

ምንም የጤና አንከን እንዳልገጠማቸውም ታውቋል።

የመታጠቢያ ቤታቸውን ግን እንደገና ምቹ አድርገው ለማሰራት ማቀዳቸውን ነው ዘገባው የሚያመላክተው።

ምንጭ፦ odditycentral.com

You might also like
Comments
Loading...