Fana: At a Speed of Life!

ከላስቬጋሱ የተኩስ እሩምታ ያመለጠችው ወጣት በካሊፎርኒያው ጥቃት ተገደለች

አዲስ አበባ፣ ጥቅምት 29፣2011 (ኤፍ.ቢ.ሲ) ባለፈው ዓመት ላስቬጋስ ከተፈጸመው የተኩስ እሩምታ ያመለጠችው ወጣት ረቡዕ ካሊፎርኒያ በደረሰው ተመሳሳይ ጥቃት መገደሏ ተነገረ፡፡

ባለፈው ዓመት በአሜሪካ ታሪክ አስከፊ ነው በተባለው ላስቬጋስ በተከሰተው የተኩስ እሩምታ 58 ሰዎች ማለቃቸው የሚታወስ ነው፡፡

ከትላንት በስተያ ደግሞ በተመሳሳይ ሁኔታ በካሊፎርኒያው የምሽት ዳንስ ቤት በደረሰው ጥቃት 11 ሰዎች ሰለባ መሆናቸው የሰሞኑ መነጋገሪያ ነበር፡፡

ታዲያ ነገሩን አስገራሚ የሚያደርገው ከአሁኑ ሰለባዎች መካከል ከባለፈው ዓመት ጥቃት የተረፈችው የ27 ዓመቷ ኦርፋንሶ አንዷ መሆኗን ቤተሰቦቿ አስታውቀዋል፡፡

ቢቢሲ የፌስቡክ ገጿን ጠቅሶ እንደዘገበው ኦርፋንሶ ከኮሌጅ ተመርቃ ከወጣች በኋላ ባህር ኃይሉን መቀላቀሏን አስታውቀዋል፡፡

ጥቃቱ በተፈፀመበት ወቅት በምሽት ዳንስ ቤት ውስጥ በትንሹ 200 ሰዎች እንደነበሩ ተገልጿል።

ጥቃት አድራሹ ግለሰብ ጥቁር በጥቁር በመልበስ ወደ ምሽት ቤቱ በመግባት የእሩምታ ተኩስ መክፈቱን የጠቀሰው ፖሊስ 11 ሰዎችን ገድሎ ስምንት ሰዎችን ካቆሰለ በኋላ እራሱን እንደገደለ ገልጿል፡፡

 

ምንጭ፦ቢቢሲ

You might also like
Comments
Loading...