Fana: At a Speed of Life!

ኢትዮጵያ የአፍሪካ ኢንዱስትሪ ማዕከል ለመሆን እየሰራች ነው-ፕሬዚዳንት ሳህለወርቅ

አዲስ አበባ፣ ጥቅምት 29፣ 2011 (ኤፍ.ቢ.ሲ) በኢትዮጵያ ያለው የመሰረተ ልማት ግንባታ  ባለሀብቶችን ለመሳብ እንደሚያስችል ፕሬዚዳንት ሳህለ ወርቅ ዘውዴ ገለፁ።

ፕሬዚዳንቷ በደቡብ አፍሪካ እየተካሄደ በሚገኘው የአፍሪካ ኢንቨስትመንት ፎረም ላይ ባደረጉት ንግግር  በባቡርና በአየር ትራንስፖርት ኢትዮጵያ ያላት አቅም ኢንቨስተሮችን ለመሳብ ያስችላል ብለዋል።

ኢትዮጵያ የግሉ ዘርፍ  በሀገሪቱ ልማት ላይ ሚና እንዳለው ታምናለች ብለዋል ፕሬዚዳንቷ  ባደረጉት ንግግር ።

በፈረንጆቹ 2025 ኢትዮጵያን የአፍሪካ  የማምረቻ  ኢንዱስትሪ  ዘርፍ ማዕከል ለማድረግ መንግስት  በአኮኖሚው ዘርፍ ትኩረት አድርጎ እየሰራ መሆኑን ፕሬዚዳንት ሳህለወርቅ ተናግረዋል።

በፎረሙ ላይ ዓለም አቀፍ የገንዘብ ተቋማት፣ ባለሃብቶች እና ሌሎች ተቋማት መሪዎች ተገኝተዋል።

የኢንቨስትመንት ፎረሙ በአህጉሪቱ የኢንቨስትመንት ዕድሎችን ለማስፋት ይረዳል የተባለ  ሲሆን፥ ኢትዮጵያም ያላትን የኢንቨስትመንት ዕድል በፎረሙ ላይ ታስተዋውቃለች ተብሎ ይጠበቃል።

 

ምንጭ፦ ሲኤንቢሲ አፍሪካ

You might also like
Comments
Loading...