Fana: At a Speed of Life!

አየር መንገዱ  ለ7ኛ ተከታታይ ጊዜ የአፍሪካ የምርጥ አየር መንገድ ሽልማትን አሸነፈ

አዲስ አበባ ህዳር 18፣ 2011 (ኤፍ.ቢ.ሲ) የኢትዮጵያ አየር መንገድ ለ7ኛ ተከታታይ ጊዜ የአፍሪካ የምርጥ አየር መንገድ ሽልማትን አሸነፈ።

አየር መንገዱ ሞሮኮ ራባት ላይ  እየተካሄደ በሚገኘው 50ኛው የአፍሪካ ታላላቅ አየር መንገዶች ማህበር አመታዊ ጉባኤ ላይ አሸናፊ መሆኑ የተበሰረው።

የእውቅናው ሽልማቱ ለአየር መንገዱ  በፋይናንስና ትርፋማነት አፈጻጸም  ላይ ባሳየው የላቀ ደረጃ ምክንያት እንደተበረከተለት ተነግሯል።

የኢትዮዽያ አየር መንገድ  ዋና ስራ አስፈፃሚ አቶ ተወልደ ገብረማርያም ሽልማቱን በማስመልከት ባደረጉት ንግግር፥ የእውቅና ሽልማቱን በመቀዳጀታው በጣም ደስተኛ  መሆናቸውን የገለፁ ሲሆን፥ ሽልማቱን ላበረከተው ለአፍሪካ የአየር መንገዶች ማህበርና እህት አየር መንገዶች ምስጋና አቅርበዋል።

እንዲሁም  ሽልማቱ የአየር መንገዱ ሰራተኞች ያልተቋረጠ ከፍተኛ ጥረትና ርብርብ ውጤት መሆኑን አንስተዋል።

በተጨማሪ የእውቅና ሽልማቱ የተቋሙን ፈጣን፣አትራፊና ዘላቂነት ያለው የእድገት እቅድ፣ የራእይ 2025 እንዲሁም ተያያዥ የሆነው የቢዝነስ ሞዴሎችን  ውጤታማነት የሚያሳይ ነው ብለዋል።

You might also like
Comments
Loading...