Fana: At a Speed of Life!

አየር ላይ ያለ እርጥበትን ወደ ንፁህ የመጠጥ ውሃ የሚቀይር ቴክኖሎጂን ከህንድ ተሞክሮ ለመውሰድ እየተሰራ ነው

አዲስ አበባ፣ ህዳር 20፣ (ኤፍ.ቢ.ሲ) አየር ላይ ያለ እርጥበትን ወደ ንፁህ የመጠጥ ውሃ ለመቀየር የሚያስችል ቴክኖሎጂን ከህንድ ተሞክሮ ለመውሰድ እየተሰራ መሆኑን የኢኖቬሽንና ቴክኖሎጂ ሚኒስቴር አስታወቀ።

ህንድ በተለይም አየር ላይ ያለ እርጥበትን ወደ ንፁህ የመጠጥ ውሃ የሚቀይር ቴክኖሎጂን በመጠቀም ንፁህ ውሃ የምታገኝ ሀገር መሆኗ ይታወቃል።
ይህንን ቴክኖሎጂ ኢትዮጵያ ውስጥ ተግባራዊ ለማድረግና ኢትዮጵያና ህንድ በቴክኖሎው ዘርፍ ያላቸውን ግንኙነት ለማሳደግ በሚቻልበት ሁኔታ ላይ የኢኖቬሽንና ቴክኖሎጂ ሚኒስትሩ ጌታሁን መኩሪያ (ዶ/ር ኢንጂ) እና በኢትዮጵያ የህንድ አምባሳደር አኑራግ ስሪቫስታቫ በትናንትናው ዕለት ተወያይተዋል።
በውይይቱም የኢኖቬሽንና ቴክኖሎጂ ሚኒስትሩ ጌታሁን መኩሪያ (ዶ/ር ኢንጂ) የሀገሪቱን ኢኮኖሚ ወደ ፊት በሚያራምዱ የኢኖቬሽንና ቴክኖሎጂ ውጤቶች ላይ በትኩረት እየተሰራ መሆኑን ተናግረዋል፡፡

በተጨማሪም መስሪያ ቤቱ ከህንድ ኢምባሲ ጋር በመተባበር በህንድ የጎላ ጠቀሜታ ያላቸውና ለኢትዮጵያ ኢኮኖሚ ዕድገት አስተዋፅኦ  የሚያደርጉ  የቴክኖሎጂ ውጤቶች የሚቀርቡበት  ኤግዚቢሽን በያዝነው ዓመት ሚያዚያ ወር ላይ በአዲስ አበባ ይካሄዳል ብለዋል።

You might also like
Comments
Loading...