Fana: At a Speed of Life!

ተጫዋች ሞቶብኛል በማለት ጨዋታ እንዲራዘምለት የጠየቀው የእግር ኳስ ክለብ

አዲስ አበባ ፣ ህዳር 21፣ 2011 (ኤፍ.ቢ.ሲ) በአየርላንድ የሚገኝ አንድ የእግር ኳስ ቡድን ጨዋታ እንዲራዘምለት የጠየቀበት መንገድ አነጋጋሪ ሆኗል።

ባለይብራክ የተሰኘው ይህ ክለብ በውሸት ተጨዋች እንደሞተበት በማሳወቅ የጨዋታ መርሃ ግብሩ እንዲራዘምለት ጠይቋል።

ክለቡ ባለፈው ቅዳሜ ሊያካሂድ የነበረውን ጨዋታ ፈርናንዶ ኑኖ ላፉንቴ የተባለው ተጫዋች በመኪና አደጋ እንደሞተበት በማሳወቅ ነበር እግር ኳስ አስተዳዳሪው አካል ጨዋታውን እንዲያራዝምለት የጠየቀው።

የሊግ ኮሚቴውም ሀዘኑን ተከትሎ ቡድኑ ሊያደርግ የነበረውን ጨዋታ አራዝሞታል።

ከዚህ ባለፈም በሊጉ በተካሄዱ ሌሎች ጨዋታዎች የአንድ ደቂቃ የህሊና ፀሎት እንደተካሄደና ተጫዋቾችም ሃዘናቸውን ለመግለጽ ክንዳቸው ላይ ጥቁር ጨርቅ አስረው ወደ ሜዳ እንዲገቡ ተደርጓል።

ሆኖም ከቆይታ በኋላ ተጫዋቹ ህይወቱ እንዳላለፈና ወደ ስፔን መጓዙ ተነግሯል።

እውነትና ንጋት እያደር ይጠራል እንደሚባለው የሊጉ ኮሚቴ ክለቡን ማገዝ የሚችለው ነገር እንዳለና የሟቹን ተጫዋች ቤተሰቦች ለማግኘት ጥያቄ ባቀረበበት ወቅት ከክለቡ ያገኙት ምላሽ ጥርጣሬን የሚፈጥር ሆኖ አግኝተውታል።

ክለቡ ለሊጉ ኮሚቴ በሰጠው ምላሽ የተጫዋቹ አስክሬን ወደ ስፔን እንደሄደ መግለጹ ነው የተነገረው።

ሆኖም በመጨረሻ በተደረገው የማጣራት ስራ ተጫዋቹ ህይወቱ እንዳላለፈና ወደ ሀገሩ ስፔን መመለሱ ተረጋግጧል።

ይህ ሁኔታ በበርካቶች ዘንድ ግርምትን ሲፈጥር፥ ክለቡም ተቀባይነት የሌለው ተግባር በመፈጸሙ ሁሉንም አካል በይፋ ይቅርታ ጠይቋል።

 

ምንጭ፡-odditycentral

You might also like
Comments
Loading...