Fana: At a Speed of Life!

ባለጸጋዋ የኔ ቢጤ

አዲስ አበባ፣ ጥቅምት 20፣ 2011 (ኤፍ.ቢ.ሲ) የ79 ዓመቷ አዛውንት ዘወትር ወደ ባቡር ጣቢያ እየሄዱ እጃቸውን ለምጽዋት ይዘረጋሉ።

በዚህም ወጭ ወራጁ አላፊ አግዳሚው እጁን የሚዘረጋላቸው ሲሆን፥ በእየቀኑ ቢያስ 300 ዩኣን ገቢ እንደሚያገኙ ተገልጿል።

በዚሁ ደርጊታቸው የማይስማማው ልጃቸው ሴትዮዋ ከዚህ ድርጊታቸው እንዲቆጠቡ እና ሰዎችም ገንዘብ እንዳይመጸውቷቸው በማህበራዊ ሚዲያዎች ፎቷቸውን አሰራጭተው የነበር ሲሆን፥ ከዚሁ ተግባራቸው ለማዳን ያለመቻሉም ታውቋል።

ሴትዮዋ ወደ ልመና ስራ ከመሰማራታቸው በፊት በባቡር ጣቢያው አካቢ ካርታዎችን ይሸጡ የነበረ ሲሆን፥ ከዚህ ስራቸው በባቡር ጣቢያው ሰራተኞች ሲታገዱ ቀጥታ ወደ ልመና ተግባር መግባታቸውም ተነግሯል።

ድርጊቱ የተፈጸመው በቻይና ሃንግዝሁ በተባለው አካባቢ መሆኑንም ዘገባው አመላክቷል።

ባሳለፍነው ሳመንት እኚህን አዛውንት የተመለከቱ መረጃዎች በተለያዩ የመገናኛ ብዙሃን ሲወጡ ግን ሴትዮዋ በከተማዋ በቅንጡ ቪላ ውስጥ የሚኖሩ እና ቤተሰቦቻቸው በርካታ የሚከራዩ የማከፋፋይ መጋዘኖች እና የሌሎች ንብረቶች ባለቤት ሆነው ተገኝተዋል።

ከዚህም ሌላ የጡረታ ተከፋይ መሆናቸውን ነው ዘገባው የሚያመላክተው፡፡

በዚህም የምስራቅ ሃንግዝሁ የባቡር ጣቢያ ሰራተኞች በድምጽ ማጉያ ሴትየዋ እንደሚታዩት ሳይሆኑ፥ ባለጸጋ ሲሆኑ ማንኛውም ሰው መመጽዎት እንደሌለበት ከገለጹ በኋላ ጉዳዩ የመገናኛ ብዙሃን የፊት ገጽ ሽፋን ሆኖ መቆየቱም ታውቋል።

የሴትዮዋ ልጅ ለሀገሪቱ መገናኛ ብዙሃን በሰጡት ቃለ ምልልስም አዛውንቷ ሴት በአማካይ በቻይና ከሚኖሩ ዜጎች በተሻለ ደረጃ ባለጸጋ መሆናቸውን ማረጋገጣቸው ነው የተገለጸው።

የኔ ቢጤዋ ልጃቸው የሚያስተዳድሩት የቤተሰብ ፋብሪካ እና በርካታ የሚከራዩ ንብረቶች ባለቤት ከመሆናቸውም በላይ በቅንጡ ቪላ ውስጥ የሚኖሩ መሆኑን ተናግረዋል።

ለአዛውንቷ ልጆቻቸው የሚያስፈልጋቸውን ምግብ በየቀኑ እንደሚያቅርቡላቸውም ገልጸዋል።

በተደጋጋሚ አዛውንቷን ልመና እንዳይቀመጡ ልጆቻቸው ተማጽነዋቸው የነበረ ቢሆንም ፈቃደኛ ያለመሆናቸውን ነው የመገናኛ ብዙሃን የሚያስረዱት።

በዚሀም አዛውንቷ በእየቀኑ ልመና ላይ በመሰማራት ከላይ ከተጠቀሱት ንብረቶች በተጨማሪ ዳጎስ ያለ የባንክ አካውንት ባለቤት መሆናቸውን ነው ዘገባው የሚያስረዳው።

ምንጭ፦ odditycentral.com

You might also like
Comments
Loading...