Fana: At a Speed of Life!

በዓለም አቀፍ ደረጃ ህፃናት በቂ የአካል አንቅስቀቃሴ አያደርጉም – ጥናት

አዲስ አበባ፣ ህዳር 18፣ 2011 (ኤፍ.ቢ.ሲ) በዓለም አቀፍ ደረጃ ህፃናት በቂ የአካል አንቅስቀቃሴ እንደማያደርጉ አንድ ጥናት አመለከተ።

ንቁ የህጻናት ጤና አሊያንስ የተባለ ድርጅት በአደረገው ጥናት እንዳረጋገጠው ከዓለም 75 በመቶ ያህሉ ሀገራት ህፃናት በቂ የአካል አንቅስቃሴ እያደረጉ አይደለም።

517 የዘርፉ ተመራመሪዎች የተሳተፉበት ይህ ጥናት በ49 ሀገራት ላይ የተካሄደ ሲሆን፥ ሀገራቱ የሚከተሏቸው የዘመናዊ ህይወት አኗኗር ዘዴዎች በህጻናት እንቅስቃሴ ላይ ያላቸው አሉታዊ ተፅዕኖ ላይ ትኩረቱን ያደረገ መሆኑ ተነግሯል።

በዚህም የከተሞች መስፋፋት፣ የቀን ከቀን የህይወት እንቅስቃሴዎችን የሚደግፉ ቴክኖሎጂዎች መስፋፋትና የትራንስፖርት ዘዴዎች መዘመን ህጻናቱ የአካል እንቅስቃሴ ውስን እንዲሆን ማድረጋቸው ነው የተገለጸው።

ንቁ የህጻናት ጤና አሊያንስ ፕሬዚዳንት ማርክ ትሬምሌይ እንደገለጹት ህጻናቱ ለረጅም ጊዜ ስክሪን ላይ የሚያሳልፉ ሲሆን፥ የአካል እንቅስቃሴዎቻቸው ውስን ሆኖ ተስተውሏል።

ችግሩ እንደየ ሀገራቱ እድገት እና ነባራዊ ሁኔታ የሚለያይ ሲሆን፥ ከቁስ ልማት ባለፈ የአስተሳሰብ ለውጥ ላይ መሰራት እንዳለበትም ትሬምብሌይ ተናግረዋል።

የዓለም ጤና ደረጅት መረጃ እንድሚያመላክተውም ዕድሜያቸው እስከ 17 ዓመት የሆኑ ህፃናት ቢያንስ በየቀኑ ለ1 ሰዓት ያህል የሰውነት እንቅስቃሴ ማድረግ ይጠበቅባቸዋል።

ወላጆች የልጆቻቸውን የአካል እንቅስቃሴ የማድረግ መብት ለማስከበር እና ንቁ የአካል እንቅስቃሴ ማድረግ እንዲችሉ የማድረግ ሃላፊነት እንዳለባቸው በጥናቱ ተመላክቷል።

ጥናቱ በጉዳዩ ላይ የዓለም አቀፉ ማህብረሰብ ትኩረት እንዲሰጥ የሚያደረግ ነውም ተብሏል።

ምንጭ፦ upi.com

You might also like
Comments
Loading...