Fana: At a Speed of Life!

በአንድ ሌሊት ከ6 መቶ ባላይ ዶሮዎችን የገደለው ውሻ ባለቤቱን 1 ሺ900 የአሜሪካ ዶላር አስከፈለ

አዲስ አበባ፣ ጥቅምት 27፣ 2011 (ኤፍ.ቢ.ሲ) በአንድ ሌሊት ከ6 መቶ ባላይ ዶሮዎችን የገደለው ውሻ ባለቤቱን 1 ሺ900 የአሜሪካ ዶላር አስከፍሏል።

ውሻው ከማደሪያው ጠፍቶ ወጥቶ በአካባቢው በሚገኝ የዶሮ ማርቢያ ከገባ በኋላ ሌሊቱን ሙሉ ዶሮዎችን ሲገድል ማደሩም ታወቋል።

የቻይና መገናኛ ብዙሃን እንደ ዘገቡት አንሂሁ በተባለው የቻይና ግዛት በሚገኝ አንድ የዶሮ ማርቢያ ባለቤት አንድ ቀን ጠዋት ሲነሱ የሚረቧቸው ዶሮዎች በሙሉ ሞተው አግኝተዋቸዋል።

በክስተቱ ግራ የተጋቡት እኚህ ሰው ዶሮዋቻቸውን የሆነ ሰው ሆን ብሎ እንደገደለባቸው ወይንም የዱር አውሬ ገብቶ ይህን ልሊፈጽም እንደሚችል ግምት የነበራቸው መሆኑ ተነግሯል።

ይሁን እንጂ አካባቢውን ሲቃኙ የጎረቤታቸው ውሻ አንዷን የሞተች ዶሮ በአፉ ይዞ ማግኘታቸውን ነው ዘገባው የሚያመላክተው።

በድርጊቱ የተናደዱት የዶሮ እርባታው ባለቤት የውሻውን ባለቤት ውሻቸው ለገደለባቸውከ 600 በላይ ዶሮዎች ማካካሻ መጠየቃቸው ተገልጿል።

በማካካሻ ክፍያው ካልተስማሙት የውሻው ባለቤት ጎረቤታቸው ጋር በጉዳዩ ላይ እየተከራከሩ ሳለ ፖሊስ ቦታው ይደርሳል።

የውሻውን ጥፋት ትክክለኛ ስለመሆኑ ያጣራው ፖሊስ ሰዎቹ ከጉዳዩ ጋር በተያያዘ ፍርድ ቤት ከመድረሳቸው በፊት የማካከሻ ክፍያው ተግባራዊ እንዲሆን ማሸማገሉም ተነግሯል።

በጉዳዩ የተስማሙት ሁለቱም ተደራራሪዎች ወደ ፈርድ ቤት ከመሄዳቸው በፊት ስምምነት ላይ መድረሳቸው ታውቋል።

የውሻው ባለቤትም ውሻው ሁሌ ሌሊት ክፍሉ ውስጥ ተቆልፎብት ያድር የነበረ ሲሆን፥ ዶረዎች በተገደለበት ሌሊት ሾልኮ ወጥቶ ውጭ ማደሩን ማረጋገጣቸውም ተገልጿል።

የማካካሻው ክፍያ ከመከፈሉ በፊት በተደረገው የሞቱ ዶሮዎች ቆጠራም በውሻው የተገደሉት ዶረዎች ቁጥር ከ600 በላይ መሆኑ ተረገግጧል ተብሏል።

ምንጭ፦ odditycentral.com

You might also like
Comments
Loading...