Fana: At a Speed of Life!

በአብዛኛው ሀገራት ከዋይ ፋይ ይልቅ የስማርት ስልክ ዳታ በይነ መረብ የተሻለ ፍጥነት አለው

አዲስ አበባ፣ ህዳር 18፣ 2011 (ኤፍ.ቢ.ሲ) በብዙ ሀገራት ከዋይ ፋይ ይልቅ የስማርት ስልክ ዳታ በይነ መረብ የተሻለ ፍጥነት አለው ተብሏል።

በገመድ አልባ የበይነ መረብ ሽፋን ላይ የሚሰራው ‘‘ኦፕን ሲግናል’’ የተባለው ኩባንያ በ80 ሀገራት ላይ ባደረገው የዋይ ፋይ በይነ መረብ ፍጥነት የዳሰሳ ጥናት በ33 ሀገራት ላይ ዳተኛ መሆኑን አረጋግጧል።

በተለያዩ አካባቢዎች ወደ ፊት 5 ጂ የሞባይል ዳታ አገልግሎት ላይ ሲውልም ልዩነቱን የበለጠ ሊያሰፋው ስለሚችል ይህን ችግር ለመቅረፍ ታሳቢ የተደርጉ ስራዎች መሰራት እንዳለበት ተጠቁማል።

5ጂ የስማርት ስልክ ዳታ አገልግሎት ወደፊት ተመራጭ እንደሚሆን የሚታወቅ ቢሆንም፥ አገለግሎቱ ለሁሉም አካባቢዎች ተደራሽ እስከሚሆን ድረስ ፈጣን የበይነ መረብ አገልግሎት በመስጠት በኩል ዋይ ፋይ የተሻለ አማራጭ መሆኑን ነው ዘገባው የሚያማለከተው።

የዋይ ፋይ በይነ መረብ አገልግሎት ዳተኛ የሚሆነውም ሰዎች በብዛት ተጨናንቀው በሚኖሩባቸው አካባቢዎች በርካታ ደንበኞች በተማሳሳይ ጊዜ ስለሚጠቀሙ የዌብ መጨናነቅ ስለሚፈጠር መሆኑ ተነግሯል።

ከዚህ በተቃራኒው የስማርት ስልክ ዳታ ተጠቃሚዎች በቀጣይነት በተመሳሳይ ሁኔታ በተናጠል አገልግሎቱ መሰጠቱ ከላይ በዋይፋይ ላይ የተጠቀሰው ችግር እንደማይከሰት ነው ዘገባው የሚያመላክተው።

የዋይፋይ አገለግሎት ጥራት በአውስትራሊያ ፣ኳታር፣ ፈረንሳይ፣ ሜክሲኮ፣ ቱርክ እና ደቡብ አፍሪካ ከስማርት ስልክ ዳታ በ13 ሜጋ ባይት ይፈጥናል ተብሏል።

ኮንግ ሆንግ፣ አሜሪካ፣ ታይላን፣ እስራኤል እና ሩሲያም የዋይ ፋይ አገልግሎታቸው ከስማርት ዳታ በ2 እጥፍ የተሻለ የሆነባቸው ናቸው ተብሏል።

ምንጭ፦ ቢቢሲ

You might also like
Comments
Loading...