Fana: At a Speed of Life!

በተወለዱበት ዕለት የጋብቻ ቃልኪዳን የሚታሰርላቸው የኬንያ ህጻናት

አዲስ አበባ፣ ጥቅምት 26፣ 2011 (ኤፍቢሲ) በኬንያ ጣና ክልል ኑሮዋቸውን የመሰረቱ ነዋሪዎች ልጆቻቸው ወደፊት ከማን ጋር ጋብቻ መፈጸም እንዳለባቸው ውሳኔ ላይ የሚደርሱት ህጻናቱ ከተወለዱበት ዕለት ጀምሮ መሆኑን ይነገራል፡፡

ይህ ባህል ታዲያ በኬንያ የሚኖሩ ኦሮሞች ዘንድ ለረዥም ዘመናት የዘለቀ ስለመሆኑም የአካባቢው አባቶች ያነሳሉ፡፡

ሂደቱ የሚጀምረው የታዳጊዋ አባት የወደፊት የልጁን አጋር ከመረጠ በኋላ ለቤተሰቦቹ ሄዶ ልጁን መምረጡን ያሳውቃል፡፡

በዚህ ጊዜ ታዲያ የተመረጠው ወንድ ወደ ቤተሰቦቿ በመሄድ የእጅ አንጓ ላይ ዳራራ ወይም ቃልኪዳን ያስርላታል፡፡

በባህሉ መሰረት ሁለቱም ታዳጊዎች ወላጆቻቸው ቤት ካደጉ በኋላ ዕድሜያቸው ለጋብቻ ሲደርስ ትዳር ይመሰርታሉ፡፡

ነገርግን ሁለቱም ከቃልኪዳናቸው ወጥተው ሌላ ማግባት አይፈቀድላቸውም እንዲሁም ደራራ የፈጸሙትንም ሌሎች አያገቡም ይላሉ ነዋሪዎቹ፡፡

ታዲያ ልጅቷ በምታድግበት ወቅት ከማንኛውም ከሚደርስባት ጥቃት ለመከላከል እንደሚረዳም ይገልጻሉ፡፡

ነዋሪዎቹ በሁለቱም ዳራራ ባሰሩት የወደፊት ቤተሰቦች መካከልም ግንኙነቱና ዝምድናው እየጠነከረና እየዳበረ እንደሚሄድም ተናግረዋል፡፡

 

ምንጭ፦ቢቢሲ

በአብርሃም ፈቀደ

You might also like
Comments
Loading...